എസ്.എഫ്.ഐ-കെ.എസ്.യു സംഘർഷത്തേത്തുടർന്ന് അടച്ച മഹാരാജാസ് കോളജ് തിങ്കളാഴ്ച തുറക്കും

കൊച്ചി: എസ്.എഫ്.ഐ-കെ.എസ്.യു വിദ്യാർഥി സംഘർഷത്തെ തുടർന്ന് അടച്ച എറണാകുളം മഹാരാജാസ് കോളജ് തിങ്കളാഴ്ച തുറക്കും. കോളജിൽ ചേർന്ന സർവകക്ഷി യോഗത്തിലാണ് തീരുമാനം. കർശന നിയന്ത്രണങ്ങളോടെയായിരിക്കും ക്ലാസുകൾ പുനരാരംഭിക്കുക.

രാവിലെ 9.30മുതൽ ഉച്ചകഴിഞ്ഞ് 3.30വരെ കോളജിൽ വിദ്യാർഥി സംഘടനകളുടെ നേതൃത്വത്തിലുള്ള ഒരു പരിപാടികളും അനുവദിക്കില്ല. കോളജ് യൂണിയൻ പരിപാടികൾക്ക് മാത്രം അനുമതി നൽകും.

വൈകുന്നേരം ആറിനുശേഷം വിദ്യാർഥികൾ കാമ്പസിൽ തുടരുന്നത് കർശനമായി വിലക്കാനും യോഗം തീരുമാനിച്ചു.