മല്ലപ്പള്ളി : ബ്ളോക്ക് പഞ്ചായത്തിലെ തുരുത്തിക്കാട് തുണ്ടിയകുളം 32 അംഗനവാടിയിലെ പ്രവേശനോത്സവവും എസ് എസ് എൽ സി പരീക്ഷയിൽ ഉന്നതവിജയം നേടിയ പൂർവവിദ്യാർഥികളുടെ അനുമോദനവും നടന്നു.കല്ലൂപ്പാറ ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ബെൻസി അലക്സിന്റെ അധ്യക്ഷതയിൽ കൂടിയ യോഗം മുൻ പഞ്ചായത്ത് പ്രസിഡന്റ് പ്രൊഫ എ എസ് തോമസ് ഉൽഘാടനം ചെയ്തു.
എസ് എസ് എൽ സി പരീക്ഷയിൽ ഉന്നതവിജയം നേടിയവർക്കുള്ള സമ്മാനദാനം ഗ്രാമപഞ്ചായത്ത് മുൻ സ്റ്റാൻഡിംഗ് കമ്മിറ്റി ചെയർമാൻ ബിജു നൈനാൻ മരുതുക്കുന്നേൽ നിർവഹിച്ചു. അംബിക സോമൻ, നിർമ്മല ചന്ദ്രബാബു മുതലായവർ പ്രസംഗിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അംഗനവാടിയിലെ പഠനം പൂർത്തിയാക്കി സ്കൂൾ വിദ്യാഭ്യാസത്തിലേക്ക് പ്രവേശിക്കുന്നവർക്ക് സർട്ടിഫിക്കറ്റ് വിതരണം ചെയ്തു,പുതിയതായി അംഗനവാടിയിലേക്ക് എത്തിച്ചേർന്ന കുരുന്നുകളെ ആകർഷകമായ സമ്മാന കിറ്റ് നൽകി എതിരേറ്റു പ്രവേശനോത്സവത്തിന്റെ ഭാഗമായി റാലിയും മധുരപലഹാരവിതരണവും നടന്നു.
