കോട്ടയം : അനധികൃതമായി മദ്യവില്പന നടത്തിയതിന് ഒരാളെ കോട്ടയം എക്സൈസ് സർക്കിൾ ഇൻസ്‌പെക്ടർ ഇ. പി സിബിയുടെ നേതൃത്വത്തിൽ ഉള്ള സംഘം അറസ്റ്റ് ചെയ്തു.കോട്ടയം മണർകാട് വെണ്ണാശ്ശേരി കോട്ടയം വിജയപുരം വടവാതൂർ കൊല്ലക്കൊമ്പ് അരങ്ങത്തു മാലിൽ വീട്ടിൽ മെൽജോ എബ്രഹാം (41) ആണ് അറസ്റ്റിൽ ആയത്. ഇയാൾ താമസിക്കുന്ന വീട്ടിൽ നിന്നും 37 ഫ്രൂട്ടി കുപ്പികളിലായി 7.4 ലിറ്റർ മദ്യവും കണ്ടെടുത്തു. വ്യാപകമായി മദ്യവില്പന നടത്തി വന്നിരുന്ന ഇയാ ൾ നാളുകളായി എക്സൈസിന്റെ നിരീക്ഷണത്തിൽ ആയിരുന്നു.തൊണ്ടിയായി 21.400ലിറ്റർ വിദേശ മദ്യവും, മദ്യം വിറ്റ വകയിൽ ലഭിച്ച 2400 രൂപയും, ഓട്ടോറിക്ഷയും പിടിച്ചെടുത്തു. റെക്കോർസുകൾ തയ്യാറാക്കി പ്രതിയെയും, തൊണ്ടി സാധനങ്ങളും, കേസ് റിക്കോർഡുകളും പാമ്പാടി എക്സൈസ് റേഞ്ച് ഓഫീസിൽ ഹാജരാക്കി. പാർട്ടിയിൽ പ്രിവന്റീവ് ഓഫിസർമാരായ ബാലചന്ദ്രൻ. എ പി ആനന്ദരാജ്. ബി,ഗ്രേഡ് പ്രിവന്റീവ് ഓഫിസർ അജിത് കുമാർ കെ. എൻ, സിവിൽ എക്സൈസ് ഓഫീസർമാരായ സുമോദ്. പി എസ് , ശ്രീകാന്ത് ടി എം, പ്രവീൺ ശിവാനന്ദ് ഡ്രൈവർ അനസ് എന്നിവർ പങ്കെടുത്തു.
