കോട്ടയം : എം സി റോഡിൽ നീലിമംഗലം പാലത്തിൽ വാഹനാപകടം. നിയന്ത്രണം വിട്ട രണ്ടു കാറുകൾ മിനി ലോറിയുമായി കൂട്ടിയിടിച്ചു. അപകടത്തിൽ ഒരാൾക്ക് പരിക്കേറ്റു. പരിക്കേറ്റയാളെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ചൊവ്വാഴ്ച രാവിലെ 7:30 യോടു കൂടി നീലിമംഗലം പാലത്തിൽ ആയിരുന്നു അപകടം.
ഏറ്റുമാനൂർ ഭാഗത്തേക്ക് പോവുകയായിരുന്ന കാർ ഇതേ ദിശയിലെത്തിയ മറ്റൊരു കാറിനെ മറികടക്കുകയായിരുന്നു. പാലത്തിൽ വച്ച് കാറിനെ മറികടക്കാനുള്ള ശ്രമത്തിനിടെ എതിർ ദിശയിൽ നിന്നും ഫ്രൂട്ട്സുമായി എത്തിയ മിനി ലോറിയിൽ കാറിടിച്ചു. അപകടത്തെ തുടർന്ന് നിയന്ത്രണം നഷ്ടമായ മിനി ലോറി മറ്റൊരു കാറിലും ഇടിച്ചു. ഇടിയുടെ ആഘാതത്തിൽ രണ്ടു കാറുകൾക്കും മിനി ലോറിയ്ക്കും സാരമായ കേടുപാടുകൾ സംഭവിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഓടിക്കൂടിയ നാട്ടുകാർ ചേർന്നാണ് പരിക്കേറ്റ കാർ ഡ്രൈവറെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. ഇയാൾക്ക് സാരമായി പരിക്കേറ്റിട്ടുണ്ട്. അപകടത്തെ തുടർന്ന് എംസി റോഡിൽ ഗതാഗത തടസ്സവും ഉണ്ടായി.
