കോട്ടയം : കോട്ടയം മെഡിക്കൽ കോളജ് കുട്ടികളുടെ ആശുപത്രിയ്ക്ക് മുന്നിൽ കാറുകൾ കൂട്ടിയിടിച്ചു. കാൽനട യാത്രക്കാരായ രണ്ടുപേർക്ക് പരിക്ക്. കുമളി സ്വദേശി സോമൻ , കോരുത്തോട് സ്വദേശി സുൽഫിക്കർ എന്നിവർക്കാണ് പരിക്കേറ്റത്. വെള്ളിയാഴ്ച ഉച്ചയ്ക്ക് രണ്ടരയോടെ കോട്ടയം മെഡിക്കൽ കോളേജ് കുട്ടികളുടെ ആശുപത്രി റോഡിലായിരുന്നു അപകടം. മെഡിക്കൽ കോളജ് ഭാഗത്ത് നിന്നും എത്തിയ കാർ വളവിൽ വച്ച് നിയന്ത്രണം നഷ്ടമായ ശേഷം റോഡരികിൽ നിന്ന സോമനെയും , സുൽഫിക്കറിനെയും ഇടിക്കുകയായിരുന്നു. ഇരുവരെയും ഇടിച്ച ശേഷം കാർ നിയന്ത്രണം നഷ്ടമായി റോഡരികിൽ പാർക്ക് ചെയ്തിരുന്ന മറ്റൊരു കാറിലും ഇടിച്ചു. ഇടിയുടെ ആഘാതത്തിൽ റോഡിൽ തെറിച്ചു വീരയും നാട്ടുകാർ ചേർന്നാണ് കോട്ടയം മെഡിക്കൽ കോളേജ് ആശുപത്രിയിൽ എത്തിച്ചത്. ഇരുവരുടെയും പരിക്ക് ഗുരുതമല്ലെന്നാണ് സൂചന.
Advertisements
