ന്യൂഡല്‍ഹി: ഇന്ത്യന്‍ വ്യോമസേനയുടെ മിഗ്-21 യുദ്ധവിമാനം രാജസ്ഥാനിലെ ജയ്സാല്‍മീറിന് സമീപം ഇന്ന് വൈകുന്നേരം തകര്‍ന്നുവീണതായി വാര്‍ത്താ ഏജന്‍സിയായ പിടിഐ റിപ്പോര്‍ട്ട് ചെയ്യുന്നു. പൈലറ്റിനെ കണ്ടെത്താനുള്ള തിരച്ചില്‍ തുടരുകയാണ്. സാം പോലീസ് സ്റ്റേഷന്റെ കീഴിലുള്ള ഡെസേര്‍ട്ട് നാഷണല്‍ പാര്‍ക്ക് ഏരിയയിലാണ് വിമാനം തകര്‍ന്നതെന്ന് ജെയ്സാല്‍മീര്‍ എസ്പി അജയ് സിംഗ് ഏജന്‍സിയെ അറിയിച്ചു. ലോക്കല്‍ പൊലീസ് സ്ഥലത്തെത്തിയെന്നും താനും അപകടസ്ഥലത്തേക്കുള്ള യാത്രയിലാണെന്നും എസ്പി പറഞ്ഞു.
വാര്‍ത്ത സ്ഥിരീകരിച്ചുകൊണ്ട് വ്യോമസേനയുടെ ഔദ്യോഗിക ഹാന്‍ഡില്‍ ട്വീറ്റ് ചെയ്തു, ‘ഇന്ന് വൈകുന്നേരം, രാത്രി 8:30 ഓടെ, പടിഞ്ഞാറന്‍ സെക്ടറില്‍ ഒരു പരിശീലന പരിപാടിക്കിടെ ഐഎഎഫിന്റെ മിഗ് -21 വിമാനം പറക്കുന്നതിനിടെ അപകടത്തില്‍ പെട്ടു. കൂടുതല്‍ വിശദാംശങ്ങള്‍ക്കായി കാത്തിരിക്കുന്നു. അന്വേഷണത്തിന് ഉത്തരവിട്ടിരിക്കുകയാണ്.’ – ഇന്ത്യന്‍ എയര്‍ഫോഴ്‌സ്, ഡിസംബര്‍ 24, 2021
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഈ വര്‍ഷം മാത്രം നിരവധി അപകടങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. അപകടങ്ങള്‍ പതിവായി വാര്‍ത്തകള്‍ സൃഷ്ടിക്കുന്നതിനാല്‍ വിമാനത്തിന് ‘പറക്കുന്ന ശവപ്പെട്ടി’ എന്ന് പേരിട്ടു. 1971 മുതല്‍ 2012 ഏപ്രില്‍ വരെ 482 മിഗ് വിമാനങ്ങള്‍ അപകടത്തില്‍പ്പെട്ടു, 171 പൈലറ്റുമാരും 39 സിവിലിയന്മാരും എട്ട് സര്‍വീസ് ഉദ്യോഗസ്ഥരും ഒരു എയര്‍ക്രൂവും കൊല്ലപ്പെട്ടതായി 2012 മെയ് മാസത്തില്‍ സര്‍ക്കാര്‍ പാര്‍ലമെന്റിനോട് പറഞ്ഞിരുന്നു.