ന്യൂസ് ഡെസ്ക് : ഇന്ത്യയുടെ ട്വന്റി20 ലോകകപ്പിനുള്ള സ്ക്വാഡില്‍ മലയാളി താരം സഞ്ജു സാംസണിനെ ഉള്‍പ്പെടുത്തിയതില്‍ തന്റെ ആഹ്ലാദം പ്രകടിപ്പിച്ച്‌ ദക്ഷിണാഫ്രിക്കയുടെ മുൻ താരം എ ബി ഡിവില്ലിയേഴ്സ്.ഇന്ത്യയുടെ സ്ക്വാഡിനെ സംബന്ധിച്ചുള്ള കാര്യങ്ങള്‍ തന്റെ യൂട്യൂബ് ചാനലിലൂടെ ചർച്ച ചെയ്യുകയായിരുന്നു ഡിവില്ലിയേഴ്സ്. ഇത്തവണത്തെ ലോകകപ്പിനുള്ള ഇന്ത്യയുടെ സ്ക്വാഡ് വളരെ ശക്തമായ ഒന്നാണ് എന്ന് ഡിവില്ലിയേഴ്സ് പറയുകയുണ്ടായി. മാത്രമല്ല സഞ്ജുവിനെ ഇത്തരത്തില്‍ സ്ക്വാഡില്‍ ഉള്‍പ്പെടുത്തിയതില്‍ തനിക്ക് വലിയ സന്തോഷമുണ്ട് എന്ന് ഡിവില്ലിയേഴ്സ് പറഞ്ഞു. “സഞ്ജു സാംസണിനെ ഇന്ത്യ തങ്ങളുടെ ടീമില്‍ ഉള്‍പ്പെടുത്തിയതില്‍ ഞാൻ വളരെയധികം സന്തോഷിക്കുന്നു. ഞാൻ സഞ്ജുവിന്റെ വലിയൊരു ആരാധകൻ തന്നെയാണ്. ഇത്തവണത്തെ ലോകകപ്പിനുള്ള ടീമില്‍ സഞ്ജു ഇടം പിടിക്കും എന്ന് ഞാൻ നേരത്തെ തന്നെ പറഞ്ഞിരുന്നു. അതുതന്നെയാണ് സംഭവിച്ചതും.”
“രാജസ്ഥാൻ ടീമിനൊപ്പം സഞ്ജുവിന് വളരെ മികച്ച ഒരു സീസനാണ് ഇപ്പോള്‍ നടക്കുന്നത്. എനിക്ക് സഞ്ജുവിന്റെ ബാറ്റിംഗ് കാണുന്നത് വളരെ ഇഷ്ടമാണ്. സഞ്ജുവിന്റെ ബാറ്റിംഗ് കാണുന്ന സമയത്ത് എല്ലാം വളരെ അനായാസമായി നമുക്ക് തോന്നാറുണ്ട്. അവനെ ഇന്ത്യൻ ടീമില്‍ ഉള്‍പ്പെടുത്തുന്നതോടുകൂടി പുതിയൊരു നായകനെ തന്നെ ഇന്ത്യയ്ക്ക് ലഭിക്കും.”- ഡിവില്ലിയേഴ്സ് പറഞ്ഞു. “രോഹിത് ശർമ നയിക്കുന്ന ഇന്ത്യൻ ലോകകപ്പ് ടീമില്‍ വിരാട് കോഹ്ലിയെ ഉള്‍പ്പെടുത്തിയതും വളരെ മികച്ച ഒരു നീക്കമായാണ് എനിക്ക് തോന്നുന്നത്. രണ്ടുപേരും ട്വന്റി20 ലോകകപ്പില്‍ കളിക്കുന്നത് എനിക്ക് സന്തോഷമുണ്ട്. ഇരുവരും ഒരുപാട് അനുഭവ സമ്പത്തുള്ള താരങ്ങള്‍ തന്നെയാണ്. സഞ്ജുവിനൊപ്പം ഹർദിക് പാണ്ട്യയെ ഉപ നായകനാക്കിയതിലൂടെ മറ്റൊരു ക്യാപ്റ്റനെ കൂടിയാണ് ഇന്ത്യയ്ക്ക് ലഭിച്ചിരിക്കുന്നത്.”
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
“മാത്രമല്ല ശിവം ദുബെയെ ടീമില്‍ ഉള്‍പ്പെടുത്തിയതും നല്ലൊരു കാര്യമായാണ് എനിക്ക് തോന്നുന്നത്. ചെന്നൈക്കായി ഈ ഐപിഎല്ലില്‍ സ്ഥിരതയാർന്ന പ്രകടനങ്ങള്‍ ദുബെ കാഴ്ച വച്ചിരുന്നു. ഇതുവരെ ഐപിഎല്ലില്‍ വലിയ രീതിയില്‍ ബോളിംഗ് ചെയ്യാൻ താരത്തിന് സാധിച്ചിട്ടില്ല. ലോകകപ്പില്‍ ദുബെയ്ക്ക് ബോളിങ്ങിലും അവസരം ലഭിക്കുമെന്നാണ് ഞാൻ കരുതുന്നത്.”-ഡിവില്ലിയേഴ്സ് കൂട്ടിച്ചേർക്കുന്നു.
“ചഹലിനെ ഇന്ത്യ ടീമില്‍ ഉള്‍പ്പെടുത്തിയതും വലിയ സന്തോഷം നല്‍കുന്ന കാര്യമാണ്. ഈ സെലക്ഷൻ ചാഹലിനെ സംബന്ധിച്ച്‌ എത്രമാത്രം വലുതായിരിക്കും എന്ന് എനിക്ക് ബോധ്യമുണ്ട്. സമീപകാലത്ത് ഇന്ത്യക്കായി ലോകകപ്പുകള്‍ കളിക്കാൻ സാധിക്കാതെ വന്നതില്‍ ചാഹലിന് ഒരുപാട് വിഷമം ഉണ്ടാകും.” “അതുകൊണ്ട് ചഹല്‍ ഇത്തവണത്തെ ലോകകപ്പില്‍ സ്ഥാനം അർഹിക്കുന്നു. അഭിനന്ദനങ്ങള്‍m ഇഷാൻ കിഷനും രാഹുലിനും ഇന്ത്യയുടെ ടീമില്‍ ഇടം ലഭിച്ചില്ല. ഇരുവർക്കും നിരാശയുണ്ടാകും. ഇരുവരും നല്ല ക്രിക്കറ്റർമാരാണ്. ഇനി വരാനിരിക്കുന്ന ടൂർണമെന്റുകളില്‍ ഇരുവർക്കും സ്ഥാനം ലഭിക്കട്ടെ.”- ഡിവില്ലിയേഴ്സ് പറഞ്ഞു വയ്ക്കുന്നു.
🏏 സ്കോറും മറ്റുവിവരങ്ങളും