കോട്ടയം : കേരള എന്‍ജിഒ യൂണിയന്റെ 58-ാം ജില്ലാ സമ്മേളനം ഞായറാഴ്ച കോട്ടയം സാഹിത്യ പ്രവർത്തക സഹകരണ സംഘം ഹാളില്‍ നടക്കും. സമ്മേളനം സഹകരണ-രജിസ്ട്രേഷന്‍ വകുപ്പ് മന്ത്രി വി എന്‍ വാസവന്‍ ഉദ്ഘാടനം ചെയ്യും.
കേരളത്തിന്റെ പൊതുസമൂഹത്തെയും സിവിൽ സര്‍വീസിനെയും ബാധിക്കുന്ന ഗൗരവമായ വിഷയങ്ങൾ സമ്മേളനം ചര്‍ച്ച ചെയ്യും. സമ്മേളനത്തിൽ സംസ്ഥാന വൈസ് പ്രസിഡന്റ് ബി അനില്‍കുമാര്‍, സംസ്ഥാന സെക്രട്ടറിയേറ്റംഗം കെ പി സുനിൽകുമാര്‍ എന്നിവര്‍ പങ്കെടുക്കും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രാവിലെ 8.30-ന് പതാക ഉയര്‍ത്തലോടെ ആരംഭിക്കുന്ന സമ്മേളനത്തില്‍ ഉച്ചയ്ക്ക് 12.30-ന് പുതിയ ഭാരവാഹികളെ തിരഞ്ഞെടുക്കും. ഉച്ചയ്ക്ക് 1.45-ന് മന്ത്രി വി എന്‍ വാസവന്‍ ഉദ്ഘാടനം ചെയ്യുന്ന പ്രതിനിധി സമ്മേളനത്തിൽ എഫ്എസ്ഇടിഒ ജില്ലാ പ്രസിഡന്റ് കെ എസ് അനില്‍കുമാര്‍, കോൺഫെഡറേഷൻ ഓഫ് സെന്‍ട്രല്‍ ഗവണ്മെന്റ് എംപ്ലോയീസ് ആന്റ് വര്‍ക്കേഴ്സ് ജില്ലാ സെക്രട്ടറി രാജേഷ് ഡി മാന്നാത്ത് എന്നിവര്‍ അഭിവാദ്യം ചെയ്ത് സംസാരിക്കും. സമ്മേളനം വൈകിട്ട് 7.45-ന് സമാപിക്കും.
