കോട്ടയം : പശ്ചിമ ബംഗാൾ സന്ദേശ്ഖാലിയിലെ സ്ത്രീകളെ ആക്രമിച്ച ഷാജഹാൻ ഷെയ്ഖിനെ സംരക്ഷിക്കുന്ന തൃണമൂൽ കോൺഗ്രസ്സിനെതിരെ ബി.ജെ.പി കോട്ടയം മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും പൊതുയോഗവും നടത്തി. ബംഗാളിലെ സന്ദേശ്ഖാലിയിൽ രാജ്യത്തെ മനസ്സാക്ഷിയെ ഞെട്ടിച്ച മമതാ ബാനർജിയുടെ ഗുണ്ടാ നേതാവിൻ്റെ നേതൃത്വത്തിൽ നടന്ന കൂട്ടബലാൽസംഗത്തിൽ കോൺഗ്രസ്സ് സി പി എം പാർട്ടികളുടെ മൗനം അത്യന്തം ഗുരുതരമായ അപകടമാണെന്ന് പ്രതിഷേധയോഗം ഉദ്ഘാടനം ചെയ്ത ബി.ജെ.പി കോട്ടയം ജില്ലാ പ്രസിഡൻ്റ് ലിജിൻലാൽ അഭിപ്രായപ്പെട്ടു. ബി.ജെ.പി കോട്ടയം മണ്ഡലം പ്രസിഡന്റ് അരുൺ മൂലേടം അദ്ധ്യക്ഷത വഹിച്ച യോഗത്തിൽ ജില്ലാ ജനറൽ സെക്രട്ടറി എസ്.രതീഷ്, സി എൻ സുഭാഷ്, വിനു ആർ മോഹൻ എന്നിവർ സംസാരിച്ചു.
ഡോ. ശ്രീജിത്ത്, സോബിൽ ലാൻ, വിദ്യാ സുദീപ്, അനിൽകുമാർ ടി. ആർ, കുസുമാലയം ബാലകൃഷണൻ എന്നിവർ നേതൃത്വം നൽകി.