സിനിമ ഡെസ്ക് : തീയേറ്ററുകളിലും തരംഗം തീര്‍ത്ത് മുന്നേറുകയാണ് പൃഥ്വിരാജ് ബ്ലെസി ടീമിന്റെ ആടുജീവിതം. ആദ്യദിനം ചിത്രം കേരളത്തില്‍ നിന്നും വാരിയത് 5 കോടിയ്ക്ക് മുകളിൽ രൂപയാണ്.സിനിമയുടെ ആദ്യദിന ആഗോള കളക്ഷൻ 16.7 കോടി നേടിയിരിക്കുകയാണ്. സിനിമയുടെ ഒഫീഷ്യൽ പേജിലൂടെ തന്നെയാണ് ഈ വിവരം പുറത്തുവിട്ടിരിക്കുന്നത്.ഇന്ത്യയില്‍ നിന്നും ഏഴ് കോടി രൂപ ആകെ കലക്ഷനായി ലഭിച്ചെന്നും ട്രേഡ് അനലിസ്റ്റുകള്‍ പറയുന്നു. സിനിമ ഒരേസമയം തന്നെ 5 ഭാഷകളിലാണ് റിലീസ് ആയത് തമിഴിൽ നിന്നും തെലുങ്കിൽ നിന്നും മികച്ച പ്രതികരണവും മികച്ച കളക്ഷനുമാണ് ആദ്യദിനം ലഭിച്ചത്. ഇനിയുള്ള ദിവസങ്ങളിലും സിനിമയുടെ എല്ലാ ബുക്കിങ്ങുകളും ഹൗസ് ഫുള്ളുകളാണ്. അതിവേഗത്തിൽ 50 കോടിയിൽ എത്തുന്ന മലയാള സിനിമ എന്ന നേട്ടം ആടുജീവിതം സ്വന്തമാക്കും എന്നാണ് പുറത്തുവരുന്ന റിപ്പോർട്ടുകൾ.ബ്ലെസി എന്ന സംവിധായകന്റെ 16 വര്‍ഷത്തെ കാത്തിരിപ്പ് വെറുതെ ആയില്ല എന്നാണ് വആരാധകര്‍ പറയുന്നത്. ആടുജീവിതം ആദ്യ ഷോ മുതല്‍ മികച്ച അഭിപ്രായമാണ് ലഭിച്ചുകൊണ്ടിരിക്കുന്നത്. ആദ്യദിന കളക്ഷനിലും ആടുജീവിതം പണംവാരി. പ്രീ സെയിലിലും മികച്ച പ്രകടനം കാഴ്ചവച്ച ചിത്രത്തിന്റെ ആദ്യദിന കേരള കളക്ഷന്‍ വിവരങ്ങള്‍ പുറത്ത് വന്നിരിക്കുകയാണ്.ചിത്രത്തിന്റെ വിജയം ആഘോഷിക്കാന്‍ ഇന്നലെ രാത്രി ചിത്രത്തിലെ അണിയറ പ്രവര്‍ത്തകര്‍ ഒത്തുകൂടിയതിന്റെ ചിത്രങ്ങള്‍ ബെന്യാമിന്‍ തന്റെ ഫേസ്ബുക്കില്‍ പങ്കുവെച്ചു.
തീയറ്ററുകളിൽ തരംഗം തീർത്ത് പൃഥ്വിരാജ് ബ്ലെസ്സി ടീമിന്റെ ആടുജീവിതം : ആദ്യദിനം ആഗോള കളക്ഷൻ 16.7 കോടി രൂപ : പുറത്തുവിട്ടത് അണിയറ പ്രവർത്തകർ
