തിരുവല്ല : ഒട്ടനവധി ക്രിമിനൽ കേസുകളിൽ പ്രതിയായ നിരണം സ്വദേശിയെ കാപ്പ ചുമത്തി നാടുകടത്തി. നിരണം ഇമ്മാനുവൽ വീട്ടിൽ ഫണ്ണി ജോർജ് ( 26 ) നെയാണ് ചൊവ്വാഴ്ച കാപ്പ ചുമത്തി നാടുകടത്തിയത്. തട്ടിക്കൊണ്ടുപോകൽ, മാല പൊട്ടിക്കൽ , പിടിച്ചുപറി, അടിപിടി എന്നിങ്ങനെ ഏഴോളം കേസുകൾ പുളിക്കീഴ് പോലീസ് സ്റ്റേഷനിൽ ഇയാൾക്കെതിരെ രജിസ്റ്റർ ചെയ്തിട്ടുണ്ട്. ആറുമാസത്തേക്ക് പത്തനംതിട്ട ജില്ലയിൽ പ്രവേശിക്കാൻ പാടില്ല എന്ന ഉത്തരവ് ഫണ്ണി ജോർജിന് കൈമാറിയതായി എസ് ഐ പറഞ്ഞു.
Advertisements
