അടൂർ : എംഡിഎംഎ യുമായി
യുവാവിനെ പോലീസ് പിടികൂടി. അടൂർ പെരിങ്ങനാട് പുത്തൻചന്ത അയനിവിള വടക്കേവീട്ടിൽ റിജോ രാജ (24) നെയാണ് പോലീസ് സ്പെഷ്യൽ സ്ക്വാഡും അടൂർ പോലീസും ചേർന്ന് ഹൈസ്കൂൾ ജംഗ്ഷനിൽ നിന്ന് പിടികൂടിയത്. ചെറിയ പ്ലാസ്റ്റിക് കവറിൽ സൂക്ഷിച്ചിരുന്ന 0.480 മില്ലീ ഗ്രാം എംഡിഎംഎയാണ് ഇയാളിൽ നിന്ന് കണ്ടെത്തിയത്. രഹസ്യവിവരത്തെതുടർന്ന് ഇയാളെ നിരീക്ഷിച്ച് വരികയായിരുന്നു. സ്വന്തം ആവശ്യത്തിന് വാങ്ങിയതാണെന്ന് ഇയാൾ ചോദ്യം ചെയ്യലിൽ സമ്മതിച്ചു. അടൂർ പോലീസ് ഇൻസ്പെക്ടർ ശ്രീകുമാർ, എസ്ഐ മനീഷ് എന്നിവരുടെ നേതൃത്വത്തിലാണ്
പരിശോധന നടന്നത്.
Advertisements
