കോഴഞ്ചേരി : വിവിധ ആവശ്യങ്ങൾ ഉന്നയിച്ചു കൊണ്ട് യൂത്ത് കോൺഗ്രസ്, കെ എസ് യു മണ്ഡലം കമ്മിറ്റികളുടെ നേതൃത്വത്തിൽ മല്ലപ്പുഴശ്ശേരി
പഞ്ചായത്ത് ഓഫീസിലേക്ക് മാർച്ചും ധർണ്ണയും നടത്തി. കെ എസ് യു മണ്ഡലം പ്രസിഡന്റ് ജെബിൻ കുഴിക്കാലയുടെ അധ്യക്ഷതയിൽ കൂടിയ ധർണ്ണ ബ്ലോക്ക് പഞ്ചായത്ത് അംഗം ജിജി ചെറിയാൻ മാത്യു ഉദ്ഘാടനം ചെയ്തു. യൂത്ത് കോൺഗ്രസ് നിയോജകമണ്ഡലം സെക്രട്ടറി ടെറിൻ ജോർജ് സ്വാഗതം ആശംസിച്ചു. ബ്ലോക്ക് പഞ്ചായത്ത് ആരോഗ്യ -വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർപേഴ്സൺ സാലി ലാലു, മല്ലപ്പുഴശ്ശേരി പഞ്ചായത്ത് അംഗങ്ങളായ ഷിബു കാഞ്ഞിക്കൽ, റോസമ്മ മത്തായി, മുൻ പഞ്ചായത്ത് അംഗം ബെന്നി കുഴിക്കാല, ബൂത്ത് പ്രസിഡന്റ് സുജ മാത്യു, വിനായകൻ, അനിൽ കുഴിക്കാല, ആന്റോ വർഗീസ്, ഷിൻസി മറിയം, ലിനു മാത്യു, ആഷ്‌ലിൻ ഷാജൻ എന്നിവർ സംസാരിച്ചു. വിവിധ ആവശ്യങ്ങൾ ഉന്നയിച്ച് പഞ്ചായത്ത് സെക്രട്ടറിക്ക് നിവേദനം നൽകുകയും ചെയ്തു.
