തിരുവല്ല : സംസ്ഥാനത്തെ പൊതുവിദ്യാഭ്യാസ മേഖല വലിയ രീതിയില്‍ മുന്നേറുന്നതിന് പൊതുവിദ്യാഭ്യാസ സംരക്ഷണ യജ്ഞം വഴിയൊരുക്കിയതായി ആരോഗ്യമന്ത്രി വീണാ ജോര്‍ജ് പറഞ്ഞു. വള്ളംകുളം ഗവ. ഡി വി എല്‍പി സ്‌കൂളിലെ പ്രീ – സ്‌കൂള്‍ വിദ്യാലയ നവീകരണ പദ്ധതി വര്‍ണക്കൂടാരം മഴവില്ല് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
കുട്ടികള്‍ക്ക് മികച്ച പഠന അവസരങ്ങള്‍ ലഭിക്കുന്നതിന് സ്‌കൂളുകളില്‍ അടിസ്ഥാന സൗകര്യ വികസനവും പാഠ്യപദ്ധതി പരിഷ്‌കരണത്തിന് ആവശ്യമായ ഇടപെടലുകളും സര്‍ക്കാര്‍ നടത്തി. കുട്ടികളുടെ ഭൗതിക, ശാരീരിക, മാനസിക വളര്‍ച്ച നിര്‍ണയിക്കുന്ന പ്രീ സ്‌കൂള്‍ കാലഘട്ടത്തിലെ വിദ്യാഭ്യാസത്തിന് സര്‍ക്കാര്‍ വലിയ പ്രാധാന്യമാണ് നല്‍കുന്നത്. കൂടുതല്‍ സ്‌കൂളുകളില്‍ പ്രീ സ്‌കൂള്‍ പദ്ധതി ആരംഭിക്കുന്നതിന് സംസ്ഥാന സര്‍ക്കാര്‍ തീരുമാനിച്ചിട്ടുണ്ട്. പൊതുവിദ്യാലയ ശാക്തീകരണ പദ്ധതിക്ക് പ്രീ സ്‌കൂള്‍ വിദ്യാലയ നവീകരണ പദ്ധതി വലിയ പിന്തുണയാണ് നല്‍കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വര്‍ണകൂടാരം മഴവില്ല് പദ്ധതിയിലൂടെ ഗവണ്‍മെന്റ് ഡി വി എല്‍പി സ്‌കൂളിന്റെ അന്തരീക്ഷം ശിശു സൗഹൃദപരമായി മാറ്റപ്പെട്ടു.
കുട്ടികളുടെ കൗതുകത്തെ ഉണര്‍ത്തുന്നതിനും ബൗദ്ധിക വളര്‍ച്ചയെ പിന്തുണയ്ക്കുന്നതിനും പ്രോത്സാഹിപ്പിക്കുന്നതിനും ശാസ്ത്രീയമായ ഇടങ്ങളും സ്‌കൂളില്‍ ചിട്ടപ്പെടുത്തിയിട്ടുണ്ട്. വള്ളംകുളം ഗവണ്‍മെന്റ് ഡി.വി.എല്‍.പി സ്‌കൂളിന് പുതിയ കെട്ടിടം അനുവദിക്കുന്നതിന് ഫണ്ട് ലഭ്യമാക്കുമെന്നും മന്ത്രി പറഞ്ഞു.
തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ അനന്ത ഗോപൻ ,
പഞ്ചായത്ത് പ്രസിഡന്റ് കെ.ബി. ശശിധരന്‍ പിള്ള അധ്യക്ഷത വഹിച്ചു. വൈസ് പ്രസിഡന്റ് സാലി ജേക്കബ്, ജില്ലാ പഞ്ചായത്തംഗം ജിജി മാത്യു, കോയിപ്രം ബ്ലോക്ക് പഞ്ചായത്ത് അംഗം എന്‍.എസ്. രാജീവ്, സിഡബ്ല്യുസി ചെയര്‍മാന്‍ അഡ്വ. എന്‍. രാജീവ്, ഗ്രാമപഞ്ചായത്ത് അംഗങ്ങളായ അനില്‍ ബാബു, കെ.കെ. വിജയമ്മ, അമ്മിണി ചാക്കോ, ത്രേസ്യാമ്മ കുരുവിള, സിപിഐഎം ഏരിയ സെക്രട്ടറി പി.സി. സുരേഷ് കുമാര്‍, എസ്എസ്‌കെ ഡിപിഒ എ.കെ. പ്രകാശ്, പുല്ലാട് എഇഒ ബി.ആര്‍. അനില, പുല്ലാട് ബിപിസി എന്‍.എസ്. ജയകുമാര്‍, സ്‌കൂള്‍ ഹെഡ്മിസ്ട്രസ് എം.സി. മിനിമോള്‍, എസ്.എം.സി പ്രസിഡന്റ് സജീവ് കെ ഒട്ടത്തില്‍ തുടങ്ങിയവര്‍ പങ്കെടുത്തു.
