കൊച്ചി : പീഡന പരാതിയിൽ നടൻ ഗോവിന്ദൻ കുട്ടിയ്ക്കെതിരെ കേസെടുത്ത് പോലീസ്. വിവാഹ വാഗ്ദാനം നൽകി പീഡിപ്പിച്ചു എന്നാണ് കേസ്. നടിയും മോഡലുമായ യുവതി നൽകിയ പരാതിയ്യുടെ അടിസ്ഥാനത്തിൽ എറണാകുളം നോര്‍ത്ത് പൊലീസാണ് കേസെടുത്തത്.
വിവാഹം കഴിക്കാമെന്ന് ഉറപ്പ് നൽകി എറണാകുളത്തെ വാടക വീട്ടിലും സുഹൃത്തിന്റെ ഇടപ്പള്ളിയിലെ വില്ലയിലും കാറിലും വച്ച് പല തവണ പീഡിപ്പിച്ചു എന്നാണ് യുവതി പരാതിയിൽ പറയുന്നത്. വിവാഹ വാഗ്ദാനം നിരസിച്ചതിനെ ചോദ്യം ചെയ്തപ്പോൾ തന്നെ മർദ്ധിച്ചുവെന്നും യുവതി ആരോപിക്കുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
എബിസി മലയാളം യുട്യൂബ് വാര്‍ത്താ ചാനല്‍ എംഡി കൂടിയായ ഗോവിന്ദന്‍ കുട്ടി ഒരു ചാനൽ പരിപാടിക്കിടെയാണ് പരാതിക്കാരിയെ പരിചയപ്പെട്ടത്. കഴിഞ്ഞ നവംബര്‍ 24ന് ആണ് ഡിജിപി, മുഖ്യമന്ത്രി, സിറ്റി പൊലീസ് കമ്മീഷണര്‍ സി.എച്ച് നാഗരാജു എന്നിവര്‍ക്ക് യുവതി പരാതി നൽകിയത്.
പരാതി പിന്‍വലിക്കണമെന്ന് ആവശ്യപ്പെട്ട് വാട്സ്ആപ്പിലൂടെ നടന് ഭീഷണിപ്പെടുത്തിയതായും യുവതി പറയുന്നു. ബലാത്സംഗം, ദേഹോപദ്രവം ഏല്‍പ്പിക്കല്‍ എന്നീ കുറ്റങ്ങളാണ് നടന് മേലെ ചുമത്തിയിരിക്കുന്നത്.
