സ്പോർട്സ് ഡെസ്ക്ക് : കേരളം സയ്യിദ് മുഷ്താഖ് അലി ട്രോഫിയില്‍ വിജയം തുടരുന്നു. ഇന്ന് ചണ്ഡീഗഢിനെ നേരിട്ട കേരളം 7 റണ്‍സിന്റെ വിജയമാണ് നേടിയത്‌. ആദ്യം ബാറ്റു ചെയ്ത കേരളം ആക്രമിച്ച്‌ കളിച്ച്‌ 20 ഓവറില്‍ 193/4 റണ്‍സ് എടുത്തു. കേരളത്തിനായി 32 പന്തില്‍ 52 റണ്‍സ് അടിച്ച്‌ സഞ്ജു സാംസണ്‍ ടോപ് സ്കോറര്‍ ആയി. 3 സിക്സും 4 ഫോറും അടങ്ങുന്നതായിരുന്നു കേരള ക്യാപ്റ്റന്റെ ഇന്നിംഗ്സ്.
23 പന്തില്‍ നിന്ന് 42 റണ്‍സ് അടിച്ച വിഷ്ണു വിനോദ്, 27 പന്തില്‍ നിന്ന് 47 റണ്‍സ് അടിച്ച വരുണ്‍ നായര്‍, 30 റണ്‍സ് എടുത്ത രോഹൻ കുന്നുമ്മല്‍ എന്നിവര്‍ കേരളത്തിനായി ബാറ്റു കൊണ്ട് തിളങ്ങി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മറുപടി ബാറ്റിംഗിന് ഇറങ്ങിയ ചണ്ഡിഗഡ് 20 ഒവറില്‍ 186 റണ്‍സ് മാത്രമെ എടുക്കാൻ ആയുള്ളൂ. കേരളത്തിനായി വിനോദ് കുമാറും ബേസില്‍ തമ്ബിയും 2 വിക്കറ്റ് വീതം വീഴ്ത്തി. ശ്രേയസ് ഗോപാല്‍, ജലജ് സക്സേന എന്നിവര്‍ ഒരോ വിക്കറ്റും വീഴ്ത്തി.
