പാമ്പാടി: മലങ്കര ഓർത്തഡോക്സ് സുറിയാനി സഭയുടെ കോട്ടയം ഭദ്രാസനവും പിന്നോക്ക വിഭാഗ വികസന കോർപ്പറേഷൻ (KSBCDC)- നും ചേർന്ന് പാമ്പാടി മാർ കുറിയാക്കോസ് ദയറായിൽ വെച്ച് സ്വയം സംരംഭ പരിശീലനം നടത്തി. ഇന്നലെ രാവിലെ 10 മണി മുതൽ വൈകിട്ട് 3 വരെയാണ് പരിശീലനം നടന്നത്. മലങ്കര ഓർത്തഡോക്സ് സുറിയാനി സഭ കോട്ടയം ഭദ്രാസനവും പിന്നോക്ക വിഭാഗ വികസന കോർപ്പറേഷൻനും ചേർന്ന് നടത്തിയ സ്വയം സംരംഭ പരിശീലനം കേരള സംസ്ഥാന പിന്നോക്ക വിഭാഗ വികസന കോർപ്പറേഷൻ ചെയർമാൻ അഡ്വ.കെ. പ്രസാദും കോട്ടയം ഭദ്രാസന മെത്രാപ്പോലീത്ത അഭിവന്ദ്യ ഡോ.യൂഹാനോൻ മാർ ദിയസ്കോറോസും ചേർന്ന് ഉദ്ഘാടനം ചെയ്തു. കോട്ടയം ഭദ്രാസന സെക്രട്ടറി ഫാ.കെ എം സക്കറിയ, കെഎസ്ബിസിഡിസി കോട്ടയം അസിസ്റ്റന്റ് ജനറൽ മാനേജർ അനിൽ എ ആർ എന്നിവരും പരുപാടിയിൽ പങ്കെടുത്തു.
Advertisements
