സ്പോർട്സ് ഡെസ്ക്ക് : ലോക കിരീടം കൈകളിലുയര്‍ത്തിയ സന്തോഷത്തില്‍ നില്‍ക്കെ ക്രിസ്റ്റിയാനോ റൊണാള്‍ഡോയുടെ സമൂഹമാധ്യമങ്ങളിലെ റെക്കോര്‍ഡുകളിലൊന്നും തിരുത്തി എഴുതി മെസി.ലോക കിരീടം നേടിയതിന് ശേഷം മെസി പങ്കുവെച്ച ഇന്‍സ്റ്റഗ്രാം പോസ്റ്റിന് ലഭിച്ചത് 54 മില്യണ്‍ ലൈക്കുകള്‍.
ഏറ്റവും കൂടുതല്‍ ഇന്‍സ്റ്റഗ്രാം ലൈക്കുകള്‍ എന്ന ക്രിസ്റ്റിയാനോ റൊണാള്‍ഡോയുടെ റെക്കോര്‍ഡ് ആണ് മെസി ഇവിടെ മറികടന്നത്. മെസിക്കൊപ്പം ചെസ്സ് ബോര്‍ഡിന് മുന്‍പിലിരിക്കുന്ന ചിത്രം ക്രിസ്റ്റ്യാനോ പങ്കുവെച്ചപ്പോള്‍ ലഭിച്ച ഇന്‍സ്റ്റാ ലൈക്കുകളുടെ റെക്കോര്‍ഡ് ആണ് മെസി ഇവിടെ കടപുഴക്കിയത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
42 മില്യണ്‍ ലൈക്കുകളാണ് ക്രിസ്റ്റ്യാനോയ്ക്ക് ലഭിച്ചത്.എന്റെ കുടുംബത്തിന് നന്ദി, എന്നെ വിശ്വസിക്കുകയും പിന്തുണയ്ക്കുകയും ചെയ്തവര്‍ക്ക് നന്ദി. ഒരുമിച്ച്‌ നിന്നാല്‍ ഏത് ലക്ഷ്യത്തിലേക്കും എത്താനാവും എന്ന് നമ്മള്‍ അര്‍ജന്റീനക്കാര്‍ ഒരിക്കല്‍ കൂടി തെളിയിച്ചിരിക്കുന്നു എന്നാണ് മെസി ഇന്‍സ്റ്റഗ്രാം പോസ്റ്റില്‍ കുറിച്ചത്.
