കോട്ടയം ഇറഞ്ഞാലിൽ തെരുവ് നായ ആക്രമണം: പിഞ്ചു കുഞ്ഞിനുൾപ്പെടെ 7 പേർക്ക് കടിയേറ്റു

കോട്ടയം: നഗരത്തിൻ്റെ പ്രാന്തപ്രദേശമായ ഇറഞ്ഞാലിൽ തെരുവ് നായ് ആക്രമണം. പിഞ്ചു കുഞ്ഞിനുൾപ്പെടെ 7 പേർക്ക് നായയുടെ കടിയേറ്റു.

ഇന്ന് രാവിലെയാണ് ഇറഞ്ഞാൽ ചായക്കട ഭാഗത്ത് തെരുവ് നായ ആക്രമണം അഴിച്ച് വിട്ടത്. പിഞ്ചുകുഞ്ഞ് ഉൾപ്പടെ 6 പേർക്ക് കടിയേറ്റു. നായയെ പിന്നീട് ചത്ത നിലയിൽ കണ്ടെത്തി. ഇതിന് പേവിഷബാധയുടെ ലക്ഷണങ്ങൾ പ്രകടിപ്പിച്ചിരുന്നതായി നാട്ടുകാർ പറഞ്ഞു.

നായയുടെ കടിയേറ്റവരിൽ 5 പേർക്ക് കോട്ടയം മെഡിക്കൽ കോളേജിൽ നിന്നും പ്രതിരോധ കുത്തിവയ്പ് ലഭിച്ചു. 2 പേരെ ജില്ലാ ആശുപത്രിയിൽ പ്രവേശിപ്പിച്ചു.