കോട്ടയം : കോട്ടയം കിടങ്ങൂരിൽ മീനച്ചിലാറ്റിൽ കുളിക്കുന്നതിനിടെ യുവാവിനെ ഒഴുക്കിൽ പെട്ട് കാണാതായി. പാമ്പാടി വെള്ളൂർ മുതിരക്കുന്നേൽ ജസ്വിൻ റോയി (21) യെയാണ് കാണാതായത്. വൈകീട്ട് അഞ്ച് മണിയോടെ കിടങ്ങൂർ ചെക്ക് ഡാമിൽ കുളിക്കുന്നതിനിടെയാണ് സംഭവം. ചെക്ക് ഡാമിന് കുറകെ നീന്തുന്നതിനിടയിൽ ഒഴുക്കിൽ പെടുകയായിരുന്നു. ഒപ്പം ഉണ്ടായിരുന്ന സുഹൃത്ത് രക്ഷിക്കാൻ ശ്രമിച്ചെങ്കിലും നടന്നില്ല. കിടങ്ങൂർ പോലീസും പാലായിൽ നിന്നുള്ള ഫയർഫോഴ്സ് സംഘവും ഈരാറ്റുപേട്ടയിൽ നിന്നുള്ള സന്നദ്ധ പ്രവർത്തകരും സ്ഥലത്തെത്തി ഏറെ നേരത്തെ തെരച്ചിൽ നടത്തിയെങ്കിലും കണ്ടെത്താനായില്ല. ഇന്നത്തെ തിരച്ചിൽ അവസാനിപ്പിച്ചതായാണ് പ്രദേശത്തു നിന്നും ലഭിക്കുന്ന വിവരം.
Advertisements
