തിരുവല്ല : മലയാളക്കരയുടെ തിരു ഉത്സവമായ തിരുവോണത്തെ വരവേറ്റ് ഇന്ന് ഉത്രാട രാത്രിയിൽ ഭവനങ്ങളിൽ ഗൗളി ഊട്ട് നടക്കും . നൂറ്റാണ്ടുകളായി പഴമയുടെ ആചാര അനുഷ്ടാനം ആണ് ഗൗളി ഊട്ട് . സർവ്വ ജീവജാലങ്ങൾക്കും ഓണ നാളിൽ അന്നം നൽകുക എന്ന ആചാരം നിലനിർത്തിയാണ് ഗൗളി ഊട്ട് നടക്കുന്നത്. അരിപ്പൊടിയിൽ വെള്ളം ചേർത്ത് കൈകൾ മുക്കി വീടിന്റെ ഭിത്തിയിൽ പതിയ്ക്കുകയും വീടിന്റെ നാല് മൂലയ്ക്കും ഈ അരിപ്പൊടി തൂകുകയും ചെയ്യും . പ്രാണികൾ ഈ അരിപ്പൊടി കഴിച്ച് തിരുവോണ വരവേൽക്കുന്നു എന്നതാണ് സങ്കല്പം.
പുതു തലമുറയ്ക്ക് അന്യമായ ഈ ആചാര രീതി ഇന്നും കൈവിടാതെ കാക്കുന്ന ഏക കാനന വിശ്വാസ കേന്ദ്രമാണ് പത്തനംതിട്ട കോന്നിയിലെ ശ്രീ കല്ലേലി ഊരാളി അപ്പൂപ്പൻ കാവ് . ആദി ദ്രാവിഡ നാഗ ഗോത്ര ജനതയുടെ വിശ്വാസം ഇന്നും കാത്തു സംരക്ഷിച്ചു കൊണ്ട് പൂർണ്ണമായ പ്രകൃതി പൂജകൾ അർപ്പിച്ചു കൊണ്ടാണ് കാവിലെ ചടങ്ങുകൾ തുടങ്ങുന്നത് . സന്ധ്യക്ക് ശേഷമാണ് തിരുവോണത്തെ വരവേറ്റ് ഉത്രാട ദിനമായ ഇന്ന് ഗൗളി ഊട്ട് നടക്കുന്നത്.
പല വീടുകളിലും ഗൗളി ഊട്ട് ഇന്ന് ഇല്ലെങ്കിലും ഗൗളി ഊട്ട് നടക്കുന്ന ഏക കാനന വിശ്വാസ കേന്ദ്രമാണ് കോന്നി കല്ലേലി ഊരാളി അപ്പൂപ്പൻ കാവ് . സർവ്വ ജീവജാലങ്ങൾക്കും നിത്യവും ഊട്ടുള്ള ഏക കാവാണ് . വാനര ഊട്ട് മീനൂട്ട് ആനയൂട്ട് എന്നിവ ദിനവും ഉണ്ട് . ഉത്രാട നാളിൽ എല്ലാ ഭവനങ്ങളിലും പണ്ട് ഉണ്ടായിരുന്ന ചടങ്ങാണ് ഗൗളി ഊട്ട് . ഗൗളി ഊട്ട് ഇന്ന് അന്യമാകുന്നു എങ്കിലും പഴയ തലമുറകൾ ഇന്നും ഗൗളി ഊട്ട് നടത്താറുണ്ട്.