തിരുവല്ല: ആലന്തുരുത്തിയിൽ നിന്നും ബൈക്ക് മോഷണം പോയതായി പരാതി. ടിപ്പർ ഡ്രൈവറായ നിരണം സെൻട്രൽ കൊട്ടാരത്തിൽ രതീഷിന്റെ ഉടമസ്ഥതയിലുള്ള ബൈക്കാണ് മോഷണം പോയത്. കെ.എൽ 3 ജി 8607 നമ്പരിലുള്ള ഹീറോ ഹോണ്ട ബൈക്കാണ് കഴിഞ്ഞ ദിവസം രാത്രി 11.30 നും 4.30 നും ഇടയിൽ മോഷണം പോയത്. ടിപ്പർ ലോറി ഡ്രൈവറായ രതീഷ് ടിപ്പറിൽ രാത്രിയിലാണ് ജോലിയ്ക്കു പോകുന്നത്. ഈ സമയത്ത് ബൈക്ക് ജംഗ്ഷനിൽ വച്ചിട്ടു പോകുന്നതാണ് പതിവ്. കഴിഞ്ഞ ദിവസം പുലർച്ചെ ജോലിയ്ക്കു ശേഷം തിരികെ വന്ന് നോക്കിയപ്പോൾ ബൈക്ക് കാണാനുണ്ടായിരുന്നില്ല. പുളിക്കീഴ് പൊലീസിൽ പരാതി നൽകി.
Advertisements
