രണ്‍ബിര്‍ കപൂര്‍ നായകനെത്തിയ ഏറ്റവും പുതിയ ചിത്രമായ ‘തൂ ഝൂട്ടി മേയ്‍ൻ മക്കാര്‍’ ബോക്സ് ഓഫീസിൽ കുതിപ്പ് തുടരുന്നു. ശ്രദ്ധ കപൂര്‍ നായികയായി എത്തിയ ചിത്രത്തിന് മികച്ച കളക്ഷൻ ആണ് ലഭിക്കുന്നത്.
ആദ്യ ദിവസം 15.73 കോടി രൂപയും തൊട്ടടുത്ത ദിവസം 10.34 കോടിയും മൂന്നാം ദിവസം 10.52 കോടിയും സ്വന്തമാക്കി ആകെ കളക്ഷൻ 36.59 കോടിയിൽ എത്തിയിരിക്കുകയാണ്. ലവ് രഞ്ജൻ ആണ് ‘തൂ ഝൂട്ടി മേം മക്കാര്‍’ എന്ന ചിത്രം ഒരുക്കിയിരിക്കുന്നത് .
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഡിംപിള്‍ കപാഡിയ, ബോണി കപൂര്‍, അനുഭവ് സിംഗ് ബാസ്സി എന്നിവരും മറ്റു പ്രധാന വേഷത്തിൽ എത്തുന്നു. ലവ് രഞ്ജൻ, രാഹുല്‍ മോദി എന്നിവര്‍ ചേര്‍ന്നാണ് തിരക്കഥ എഴുതിയിരിക്കുന്നത്.
സന്താന കൃഷ്‍ണനും രവിചന്ദ്രനുമാണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്.
ടി സിരീസ് അവതരിപ്പിക്കുന്ന ചിത്രത്തിന്റെ നിര്‍മ്മാണത്തിലും ലവ് രഞ്ജന് പങ്കാളിത്തമുണ്ട്. ലവ് രഞ്ജനും അങ്കൂര്‍ ഗാര്‍ഗും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. പ്രിതം ആണ് ചിത്രത്തിന്റെ സംഗീത സംവിധാനം നിര്‍വഹിച്ചത്. യാഷ് രാജ് ഫിലിംസാണ് രണ്‍ബിര്‍ ചിത്രം വിതരണം ചെയ്‍തിരിക്കുന്നത്.
