തിരുവനന്തപുരം : പ്രതിപക്ഷ നേതാവും കോണ്‍ഗ്രസ് നേതാവുമായ വി.ഡി സതീശനെതിരെ കുരുക്ക് മുറുകുന്നു. എം.എല്‍.എ ഫണ്ട് ദുര്‍വിനിയോഗ പരാതിയില്‍ കൂടുതല്‍ ക്രമക്കേടുകള്‍ പുറത്തുവന്നു.വിവാദഭൂമിയിലേക്കുളള റോഡ്, പഞ്ചായത്തിന്റെ ആസ്തി രജിസ്റ്ററില്‍ ഉള്‍പ്പെടുത്തിയത് ക്രമവിരുദ്ധമായാണെന്നുള്ള വിവരമാണ് പുറത്തുവരുന്നത്.
Advertisements
പഞ്ചായത്ത് യുഡിഎഫ് ഭരിക്കുന്ന കാലത്താണ് വിവാദ ഭൂമിയിലേക്കുളള റോഡ് ആസ്തി രജിസ്റ്ററില്‍ ഉള്‍പ്പെടുത്തിയത്. ഭരണസമിതിയോഗത്തിന് ശേഷം മിനുറ്റ്‌സില്‍ തിരുകി കയറ്റിയതെന്നാണ് ആരോപണം. വാര്‍ഡ് നമ്പറും തെറ്റായ രീതിയിലാണ് രേഖപ്പെടുത്തിയത്. വിവാദ ഭൂമി സ്ഥിതി ചെയ്യുന്ന റോഡ് സ്ഥിതി ചെയ്യുന്ന വാര്‍ഡിലെ മെമ്പര്‍ പോലും അറിയാതെയായിരുന്നു നടപടികള്‍ എന്നാണ് വിവരം.
