വാരണാസി : ട്രാക്കില്‍ കെട്ടിപിടിച്ചു നിന്ന ദമ്ബതികളെ ട്രെയിൻ ഇടിച്ച് തെറിപ്പിച്ചു. ഗോവിന്ദ് സോങ്കര്‍ (30), ഭാര്യ ഖുശ്ബു സോങ്കര്‍ (28) എന്നിവരാണ് മരിച്ചത്.ബുധനാഴ്ച രാത്രി ഉത്തര്‍പ്രദേശിലെ വാരാണസിയിലെ പഞ്ച്കോശി റെയില്‍വേ ക്രോസിലാണ് സംഭവം. മദ്യലഹരിയിലായിരുന്ന ഗോവിന്ദ് യുവതിയുമായി വഴക്കിട്ടതായി ദൃക്‌സാക്ഷികള്‍ പറഞ്ഞു. വഴക്കിട്ട ശേഷം ഖുശ്ബു റെയില്‍വേ ട്രാക്കിലേക്ക് പോയി. പിണങ്ങി പോയ ഭാര്യയെ സമാധാനിപ്പിക്കുന്നതിനായി ഗോവിന്ദ് പിന്നാലെ ചെന്ന് കെട്ടിപ്പിടിച്ചു. എന്നാല്‍, ആ സമയം അമിതവേഗതയില്‍ വന്ന ട്രെയിൻ ഇരുവരെയും ഇടിച്ചു തെറിപ്പിക്കുകയായിരുന്നു. ദമ്ബതികള്‍ക്ക് മൂന്ന് കുട്ടികളുണ്ടെന്ന് എസ്‌എച്ച്‌ഒ പറഞ്ഞു. മൃതദേഹങ്ങള്‍ പോസ്റ്റ്‌മോര്‍ട്ടത്തിന് അയച്ചതായി പൊലീസ് അറിയിച്ചു.
Advertisements
