ലോകകപ്പ് ട്വന്റി 20 ഫൈനൽ; ഇംഗ്ലണ്ടിന് ടോസ്; ബൗളിംങ് തിരഞ്ഞെടുത്തു; ആവേശ ഫൈനലിന് അൽപ സമയത്തിനകം തുടക്കം

മെൽബൺ: ഇന്ത്യയെ തകർത്ത ഇംഗ്ലണ്ടും, ന്യൂസിലൻഡിനെ തകർത്ത പാക്കിസ്ഥാനും ട്വന്റി 20 ലോകകപ്പിന്റെ ഫൈനലിൽ നേർക്കുനേർ വരുമ്പോൾ ആവേശപ്പോരാട്ടം ഉറപ്പ്. ട്വന്റി ട്വന്റി ലോകകപ്പിന്റെ ഫൈനൽ അൽപ സമയത്തിനകം ഓസ്‌ട്രേലിയയിലെ മെൽബണിൽ നടക്കും. ടോസ് നേടിയ ഇംഗ്ലണ്ട് ബൗളിംങ് തിരഞ്ഞെടുത്തു. പാക്കിസ്ഥാൻ ആദ്യം ബാറ്റ് ചെയ്യും. ഏഷ്യൻ വൻകരയിൽ നിന്നെത്തിയ ഇന്ത്യയെ ആദ്യം ബാറ്റിംങിന് അയച്ച് തകർത്തു വിടുകയും, രണ്ടാമത് ബാറ്റ് ചെയ്തു തകർത്തടിച്ചു വിജയം നേടുകയും ചെയ്ത സെമി ഫൈനലിന്റെ ആവേശത്തിലാണ് ഇംഗ്ലണ്ട് ഫൈനലിനിറങ്ങുന്നത്. വൻ പ്രതീക്ഷയുമായി എത്തിയ ന്യൂസിലൻഡിനെ തകർത്തു തരിപ്പണമാക്കിയതിന്റെ ആത്മവിശ്വാസത്തിലാണ് പാക്കിസ്ഥാൻ ഫൈനലിൽ ബാറ്റേന്തുന്നത്. ഇരു ടീമുകളും രണ്ടാം ലോകകപ്പ് നേടാനായാമ് ഫൈനലിൽ മാറ്റുരയ്ക്കുന്നത്.