തന്റെ അനുഭവും സിനിമ ആയേക്കും : കൊക്കെയ്ന്‍ കേസ് സിനിമയാക്കാനുള്ള റൈറ്റ്‌സ് അമല്‍ നീരദ് വാങ്ങി കഴിഞ്ഞതായി ഷൈന്‍ ടോം ചാക്കോ
തന്റെ കൊക്കെയ്ന്‍ കേസ് സിനിമയാക്കാനുള്ള റൈറ്റ്‌സ് സംവിധായകന്‍ അമല്‍ നീരദ് വാങ്ങി കഴിഞ്ഞു എന്ന് നടൻ ഷൈന്‍ ടോം ചാക്കോ. ‘ക്രിസ്റ്റഫര്‍’സിനിമയുടെ പ്രമോഷനുമായി ബന്ധപ്പെട്ട് താരം നല്‍കിയ അഭിമുഖത്തിനിടയിലാണ് ഇക്കാര്യം പറഞ്ഞത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
2015 തന്റെ കരിയറില്‍ തിളങ്ങി നിന്ന സമയത്തായിരുന്നു മയക്കുമരുന്ന് കേസില്‍ ഷൈന്‍ അറസ്റ്റിലായതും രണ്ട് മാസത്തോളം ജയിലില്‍ കിടന്നതും. ജയിലിലായിരുന്ന സമയത്തെ അനുഭവങ്ങളെ കുറിച്ചും ജീവിതത്തെ കുറിച്ചും പലപ്പോഴും ഷൈന്‍ തുറന്ന് പറഞ്ഞിട്ടുണ്ട്. സിനിമയില്‍ മോശം കഥാപാത്രങ്ങള്‍ ചെയ്യാന്‍ അവസരം കിട്ടും എന്ന് ചിന്തിച്ചാണ് ജയിലില്‍ കിടന്നപ്പോള്‍ സ്വയം സമാധാനിച്ചിരുന്നത് എന്നും ഷൈന്‍ പറഞ്ഞിട്ടുണ്ടായിരുന്നു.
അതേസമയം, ക്രിസ്റ്റഫറിലെ ഷൈനിന്റെ കഥാപാത്രം ശ്രദ്ധ നേടുന്നുണ്ട്. ഉദയകൃഷ്ണയുടെ തിരക്കഥയില്‍ ബി. ഉണ്ണികൃഷ്ണന്‍ സംവിധാനം ചെയ്ത ചിത്രത്തില്‍ പൊലീസ് വേഷത്തിലാണ് മമ്മൂട്ടി എത്തിയത്.
അമല പോള്‍, സ്‌നേഹ, ഐശ്വര്യ ലക്ഷ്മി, വിനയ് റായ്, ദിലീഷ് പോത്തന്‍, സിദ്ദിഖ്, ജിനു എബ്രഹാം, വിനീത കോശി, വാസന്തി എന്നിവരാണ് പ്രധാന കഥാപാത്രങ്ങളായി എത്തിയത്. ആദ്യ ദിനം തന്നെ 1.83 കോടി രൂപയാണ് ക്രിസ്റ്റിഫറിന്റെ കളക്ഷന്‍.
