അമ്പലപ്പുഴ : രണ്ടു ദിവസം മുൻപു കാണാതായ പഴവീട് സ്വദേശിയുടെ മൃതദേഹം തോട്ടപ്പള്ളി സ്പിൽവെയുടെ അടിയിൽ നിന്നും കണ്ടെത്തി. പഴവീട് ചെള്ളട്ട് തേജസ് നഗറിൽ തങ്കപ്പൻ്റെ മകൻ മഹാദേവൻ (69) ൻ്റെ മൃതദേഹമാണ് കണ്ടെത്തിയത്. രണ്ടു ദിവസം മുൻപ് വീട്ടിൽ നിന്നും മണ്ണഞ്ചേരിയിലുള്ള സഹോദരിയുടെ വീട്ടിലേക്കെന്നും പറഞ്ഞ് ഇറങ്ങിയതാണ്. മഹാദേവനെ കാണാതായതിനെ തുടർന്ന് ബന്ധുക്കൾ മണ്ണഞ്ചേരി പോലീസ് സ്റ്റേഷനിൽ പരാതി നൽകിയിരുന്നു. രാവിലെ മൃതദേഹം തോട്ടപ്പള്ളി സ്പിൽവെയ്ക്കു താഴെ കാണപ്പെടുകയായിരുന്നു. പോലീസ് മേൽ നടപടികൾ സ്വീകരിച്ചു മൃതദേഹം മോർച്ചറിയിലേക്കു മാറ്റി.
Advertisements
