ജൂനിയര്‍ എൻടിആറും കൊരടാല ശിവയും ഒന്നിക്കുന്ന ‘എൻടിആര്‍ 30’ എന്ന ചിത്രത്തിൽ ബോളിവുഡ് താരം സെയ്‍ഫ് അലി ഖാനും ഒരു പ്രധാനപ്പെട്ട കഥാപാത്രത്തെ അവതരിപ്പിക്കുന്നതായ് റിപ്പോർട്ട് .
ചിത്രത്തില്‍ നായികയായി ബോളിവുഡ് താരം ജാൻവി കപൂറായിരിക്കും നായിക എന്നും പ്രഖ്യാപിച്ചിരുന്നു. ജൂനിയര്‍ എൻടിആറും ജാൻവി കപൂറും അടക്കമുള്ളവര്‍ പങ്കെടുത്ത പൂജാ ചടങ്ങോടെ ചിത്രീകരണത്തിന് നേരത്തെ തുടക്കമായിരുന്നു. എന്നാൽ എന്തായിരിക്കും ജൂനിയര്‍ എൻടിആറിന്റെയും ജാൻവിയുടെയും കഥാപാത്രങ്ങള്‍ എന്നതടക്കമുള്ള വിവരങ്ങള്‍ പുറത്തുവിട്ടിട്ടില്ല.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അടുത്ത വർഷം ഏപ്രില്‍ അഞ്ചിനാണ് “എൻടിആര്‍ 30” റിലീസ് ചെയ്യുക. അനിരുദ്ധ് രവിചന്ദര്‍ ചിത്രത്തിന്റെ സംഗീത സംവിധാനം നിര്‍വഹിക്കുന്നു. രത്‍നവേലു ആണ് ഛായാഗ്രാഹണം നിര്‍വഹിക്കുന്നത്. സാബു സിറിലാണ് പ്രൊഡക്ഷൻ ഡിസൈൻ.
അതേസമയം, തമിഴ് സംവിധായകൻ വെട്രിമാരന്റെ ചിത്രത്തിൽ ജൂനിയര്‍ എൻടിആര്‍ അഭിനയിക്കുന്നുവെന്ന വാർത്തയും പുറത്തു വന്നിരുന്നു. എന്നാൽ ഇക്കാര്യത്തില്‍ ജൂനിയര്‍ എൻടിആര്‍ ഔദ്യോഗിക സ്ഥിരീകരണം നല്‍കിയിട്ടില്ല.
