ഹൃത്വിക് റോഷനും ടൈഗര്‍ ഷെറോഫും പ്രധാന വേഷത്തില്‍ എത്തിയ ഹിറ്റ് ചിത്രം വാർ ന്റെ രണ്ടാം ഭാഗം പുറത്തിറക്കാനുള്ള ആലോചനയിലാണ് യാഷ് രാജ് എന്നാണ് വിവരം നേരത്തെ പുറത്തുവന്നിരുന്നു.
വാര്‍ 2 ൽ തെലുങ്ക് സൂപ്പർസ്റ്റാർ ജൂനിയര്‍ എന്‍ടിആര്‍ എത്തുന്നതായും റിപ്പോർട്ട് ഉണ്ടായിരുന്നു. എന്നാൽ ഈ വാർത്തകൾ ശരിവയ്ക്കുന്ന രീതിയിലുള്ള ട്വീറ്റാണ് ജൂനിയർ എൻ.ടി.ആറിന്റെ പിറന്നാൾ ദിനത്തിൽ ഹൃത്വിക് റോഷൻ ആശംസ നൽകിയിരിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
“ജന്മദിനാശംസകള്‍ തരക്, സന്തോഷകരമായ ദിനവും ആക്ഷന്‍ പാക്ക്ഡായ ഒരു വര്‍ഷവും നേകുന്നു. നിങ്ങളെ ഞാന്‍ ‘യുദ്ധ ഭൂമിയില്‍’ കാത്തിരിക്കുന്നു സുഹൃത്തെ നമ്മള്‍ കണ്ടുമുട്ടുന്നതുവരെ നിങ്ങള്‍ക്ക് സന്തോഷവും സമാധാനവും ഉള്ള ദിനങ്ങള്‍ നേരുന്നു. ജന്മദിനാശംസകള്‍ സുഹൃത്തെ”.
‘യുദ്ധ ഭൂമിയില്‍’ എന്ന് പ്രയോഗിച്ചത് തീര്‍ച്ചയായും വാര്‍ 2 എന്ന ചിത്രത്തിന്‍റെ സൂചനയാണ് എന്നാണ് ആരാധകര്‍ പറയുന്നത്. ഫാന്‍മെയ്ഡ് വീഡിയോകളും ഇതിനൊപ്പം പ്രചരിക്കുന്നുണ്ട്.
അയാന്‍ മുഖര്‍ജി ആയിരിക്കും വാര്‍ 2 സംവിധാനം ചെയ്യുക എന്നാണ് വിവരം.
ജൂനിയര്‍ എന്‍ടിആര്‍ ആരാധകര്‍ ഹൃത്വികിന്‍റെ ട്വീറ്റ് ഏറ്റെടുത്തു കഴിഞ്ഞു.
സൂപ്പർ ചാരനായ കബീറിന്റെ വേഷം ഹൃത്വിക് വീണ്ടും അവതരിപ്പിക്കുമ്പോള്‍. ജൂനിയർ എൻടിആർ ചിത്രത്തിലെ വില്ലന്‍ വേഷത്തിലായിരിക്കുമോ എത്തുക എന്ന കാത്തിരിപ്പിലാണ് ആരാധകർ.
