ലണ്ടൻ: ലീഡ്സില്‍ നടക്കുന്ന ആഷസ് മൂന്നാം ടെസ്റ്റിന്റെ ഒന്നാം ഇന്നിങ്സില്‍ ആസ്ട്രേലിയ 263 റണ്‍സിന് പുറത്ത്. മിച്ചല്‍ മാര്‍ഷിന്റെ (118) സെഞ്ച്വറി മാത്രമാണ് ഒന്നാം ദിനം ഓസീസിന് ആശ്വാസമായത്.
Advertisements
34 റണ്‍സ് മാത്രം വഴങ്ങി അഞ്ചു വിക്കറ്റ് വീഴ്ത്തിയ മാര്‍ക് വുഡിന്റെയും മൂന്നുപേരെ പുറത്താക്കിയ ക്രിസ് വോക്സിന്റെയും പേസിനു മുന്നില്‍ സന്ദര്‍ശകര്‍ മുട്ടുമടക്കുകയായിരുന്നു. നാലു വിക്കറ്റിന് 85 റണ്‍സ് എന്ന നിലയില്‍ തകരവെയാണ് മാര്‍ഷും ട്രാവിസ് ഹെഡും (39) ചേര്‍ന്ന് ടീമിനെ കരകയറ്റിയത്. 240ല്‍ അഞ്ചാം വിക്കറ്റ് വീണ ആസ്ട്രേലിയക്ക് പിന്നീട് അധികം തുടരാനായില്ല. പരമ്ബരയില്‍ 2-0ത്തിന് മുന്നിലാണ് ഓസീസ്.
