സ്പോർട്സ് സെസ്ക്ക് : ഇന്ത്യൻ ടീമില്‍ നിന്ന് പലപ്പോഴും തഴയപ്പെട്ട താരമാണ് മലയാളി താരം സഞ്ജു സാംസണ്. പലപ്പോഴും ഇന്ത്യ സഞ്ജു സാംസണ് തുടര്‍ച്ചയായ അവസരങ്ങള്‍ ടീമില്‍ നല്‍കാറില്ല.എന്നാല്‍ സഞ്ജുവിന് ഇന്ത്യ കൂടുതല്‍ അവസരങ്ങള്‍ നല്‍കണമെന്ന പ്രസ്താവനയുമായി രംഗത്ത് എത്തിയിരിക്കുന്നത് മുൻ ഇന്ത്യൻ വിക്കറ്റ് കീപ്പറായ സാബാ കരീമാണ്.
സഞ്ജുവിനെ നാലാം നമ്പറിലും അഞ്ചാം നമ്പറിലുമാണ് ഇന്ത്യ പരീക്ഷിക്കാൻ ഉദ്ദേശിക്കുന്നതെങ്കില്‍ അവിടെ അയാള്‍ക്ക് ആവശ്യമായ അവസരങ്ങള്‍ നല്‍കണമെന്നാണ് കരീം പറയുന്നത്. മാത്രമല്ല ഒരു വിക്കറ്റ് കീപ്പറേക്കാളുപരി ഒരു ബാറ്റര്‍ എന്ന നിലയ്ക്കാണ് സഞ്ജു മികവ് പുലര്‍ത്തിയിട്ടുള്ളതെന്നും കരീം പറയുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ജിയോ സിനിമയ്ക്ക് നല്‍കിയ അഭിമുഖത്തിലായിരുന്നു കരീം തന്റെ അഭിപ്രായം അറിയിച്ചത്. “സഞ്ജു ഒരു മികച്ച വിക്കറ്റ് കീപ്പറാണെന്ന് ഞാൻ കരുതുന്നില്ല. ഞാൻ കഠിന ഹൃദയനായതുകൊണ്ടല്ല അങ്ങനെ പറയുന്നത്. ഒരു വിക്കറ്റ് കീപ്പറെക്കാള്‍ ഉപരി ഒരു മികച്ച ബാറ്ററാണ് സഞ്ജു സാംസണ്. അതുകൊണ്ടുതന്നെ ഇന്ത്യ അവന് ഏതെങ്കിലും ഒരു പൊസിഷനില്‍ കൃത്യമായി അവസരങ്ങള്‍ നല്‍കേണ്ടതുണ്ട്. മധ്യനിരയിലാണ് സഞ്ജുവിനെ പരിഗണിക്കുന്നതെങ്കില്‍ അവന് അവിടെ അവസരം നല്‍കണം. നാലാം നമ്പറിലോ അഞ്ചാം നമ്പറിലോ ആണ് ഇന്ത്യ അവനെ ഉദ്ദേശിക്കുന്നതെങ്കില്‍ അവിടെ സഞ്ജുവിനെ കളിപ്പിക്കാൻ ഇന്ത്യക്ക് സാധിക്കണം.”- സാബാ കരീം പറയുന്നു.
