ചിങ്ങവനത്ത് ബൈക്കുകൾ തമ്മിൽ കൂട്ടിയിടിച്ചു; ദമ്പതികൾക്ക് പരിക്ക്

ചിങ്ങവനത്തു നിന്നും
ജാഗ്രതാ ന്യൂസ് ലൈവ്
പ്രത്യേക ലേഖകൻ

ചിങ്ങവനം: ഗോമതിക്കവലയിൽ നിയന്ത്രണം വിട്ട ബൈക്കുകൾ തമ്മിൽ കൂട്ടിയിടിച്ചു ദമ്പതിമാർക്ക് പരിക്കേറ്റു. നിസാര പരിക്കേറ്റ ദമ്പതിമാരെ ആശുപത്രിയിൽ പ്രവേശിപ്പിച്ചു. തിങ്കളാഴ്ച വൈകിട്ട് എട്ടരയോടെ ചിങ്ങവനം ഗോമതിക്കവലയിലായിരുന്നു അപകടം.

ജംഗ്ഷനിൽ റോഡ് ക്രോസ് ചെയ്യുന്നതിനിടെ എതിരെ വന്ന ബുള്ളറ്റ് ബൈക്ക് ദമ്പതികൾ യാത്ര ചെയ്തിരുന്ന ബൈക്കിലിടിച്ചാണ് അപകടം നടന്നത്. കാലിനും, കൈയ്ക്കും നിസാര പരിക്കേറ്റ ദമ്പതികൾ പള്ളത്തെ സ്വകാര്യ ആശുപത്രിയിൽ ചികിത്സ തേടി. ചിങ്ങവനം പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.