കൊച്ചി : ബാലതാരമായി എത്തി മലയാളി പ്രേക്ഷകരുടെ മനം കവര്‍ന്ന താരമാണ് ബേബി നയൻതാര. എന്നാല്‍ ഇപ്പോള്‍ ബേബി നയൻതാരയല്ല, നയന്‍താര ചക്രവര്‍ത്തിയാണ് താരം. ബാലതാരമായി വന്ന താരം നായികയായി സജീവമാവാന്‍ ഒരുങ്ങുകയാണ്. നായികയായി അഭിനയിക്കുന്ന ജെന്റില്‍മാന്‍ എന്ന സിനിമയുടെ പ്രമോഷന്‍ തിരക്കുകളിലാണ് നടിയിപ്പോള്‍.
സിനിമയില്‍ അഭിനയിക്കുന്ന ബാലതാരങ്ങളുടെ വളര്‍ച്ചയും അവരുടെ വിശേഷങ്ങളും മലയാള സിനിമ പ്രേക്ഷകര്‍ എന്നും ഉറ്റുനോക്കുന്ന ഒന്നാണ്. സോഷ്യല്‍ മീഡിയകളുടെ വരവോടെ കുട്ടി താരങ്ങള്‍ക്ക് വരുന്ന മാറ്റങ്ങളും പ്രേക്ഷകര്‍ക്ക് അറിയാൻ സാധിക്കുന്നുണ്ട്. ഇപ്പോഴിതാ തന്റെ ശരീരിക മാറ്റത്തെ കുറിച്ച്‌ ഉയരുന്ന സംശയങ്ങള്‍ക്ക് മറുപടി നല്‍കുകയാണ് നയൻതാര. ”ഞാന്‍ ഒന്‍പതാം ക്ലാസില്‍ പഠിക്കുമ്ബോഴാണ് സിനിമയില്‍ നിന്നും ബ്രേക്ക് എടുത്തത്. അതിന് രണ്ട് കാര്യങ്ങളുണ്ടായിരുന്നു. ഒന്ന്, പത്താം ക്ലാസിലേക്ക് പോകുകയാണ് എന്നത്. രണ്ട് ബേബി എന്ന ടാഗ് ലൈന്‍ മാറ്റാന്‍ മാറി നില്‍ക്കണം എന്നത്. പതിനൊന്നാം ക്ലാസില്‍ എത്തയതിന് ശേഷമാണ് പിന്നീട് നായികയാകാനുള്ള അവസരങ്ങള്‍ വന്നു തുടങ്ങിയത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ശരീരം മാറിയതിനെ കുറിച്ച്‌ മറ്റുള്ളവര്‍ പറയുമ്ബോഴാണ് ഞാന്‍ ശ്രദ്ധിയ്ക്കുന്നത് തന്നെ. വല്ലപ്പോഴും പഴയ ഫോട്ടോസ് കാണുമ്ബോള്‍ ഞാനും ചിന്തിയ്ക്കും, ഓഹോ ഇത്രയും മാറ്റമുണ്ടല്ലേ എന്ന്. സ്റ്റീറോയിഡ് എടുത്തതാണോ, അതോ വല്ല ഇന്‍ഞ്ചക്ഷനും ചെയ്‌തോ എന്നൊക്കെ ചോദിക്കുന്നവരുണ്ട്. അങ്ങനെ ഒരു സംഭവവും ഞാന്‍ ചെയ്തിട്ടില്ല. ഭക്ഷണം കഴിച്ചു തുടങ്ങിയപ്പോഴാണ് മാറ്റം വന്നത്. നേരത്തെ ഞാന്‍ അങ്ങനെ ഭക്ഷണം ഒന്നും കഴിക്കില്ലായിരുന്നു. പത്താം ക്ലാസ് ഒക്കെ കഴിഞ്ഞപ്പോഴാണ് നേരത്തിന് ഭക്ഷണം കഴിച്ചു തുടങ്ങിയത്. പിന്നെ ഞാന്‍ കുറച്ചു കാലം ബ്രേക്ക് എടുത്തതിന് ശേഷം തിരിച്ചു വരുന്നതുകൊണ്ടാവാം ആളുകള്‍ക്ക് ഒരു വ്യത്യാസം തോന്നുന്നത്. എനിക്കോ, ഞാനുമായി അടുപ്പമുള്ളവര്‍ക്കോ ആ വ്യത്യാസം അനുഭവപ്പെടാറില്ല.
സൗന്ദര്യം കൂട്ടാനോ, നിലനിര്‍ത്താനോ ഞാന്‍ പ്രത്യേകിച്ചൊന്നും ചെയ്യാറില്ല . കുഞ്ഞായിരുന്നപ്പോള്‍ ലൊക്കേഷനില്‍ നിന്നും വന്നാല്‍ അമ്മ മഞ്ഞളും തൈരുമൊക്കെ തേച്ച്‌ പിടിപ്പിക്കുമായിരുന്നു. വലുതായപ്പോള്‍ ഞാന്‍ തന്നെ അത് നിര്‍ത്തി. അത്രയും ക്ഷമയൊന്നും എനിക്കില്ല. പിന്നെ സ്‌കൂളില്‍ സ്‌പോട്‌സിനൊക്കെ നിന്നപ്പോള്‍ നന്നായി കറുത്തിരുന്നു. അത് സ്ഥിരമാവുമോ എന്ന് ഞാന്‍ ഭയന്നു. പക്ഷെ കോളേജിലൊക്കെ ആയപ്പോഴേക്കും അത് താനേ മാറി.”- നയൻതാര പറഞ്ഞു.
