മൂവി ഡെസ്ക് : ലുക്മാൻ അവറാനും ശ്രീനാഥ് ഭാസിയും പ്രധാന കഥാപാത്രങ്ങളെ അവതരിപ്പിക്കുന്ന കൊറോണ ധവാന്റെ ഡിജിറ്റല്‍ പ്രീമിയര്‍ ഒക്ടോബര്‍ 20 ന് സൈന പ്ലേയില്‍ നടക്കും.നവാഗതനായ സിസി സംവിധാനം ചെയ്യുന്ന ചിത്രം ലോക്ക്ഡൗണ്‍ കാലത്തെ ഒരു കോമഡി എന്റര്‍ടെയ്‌നറാണ്.
ജനീഷ് ജയാനന്ദൻ തിരക്കഥയെഴുതിയ ഈ ചിത്രം ലോക്ക്ഡൗണ്‍ കാലത്ത് കേരളത്തില്‍, പ്രത്യേകിച്ച്‌ മദ്യപാനികള്‍ക്കിടയില്‍ നടന്ന രസകരമായ സംഭവങ്ങളില്‍ നിന്ന് പ്രചോദനം ഉള്‍ക്കൊണ്ടതാണ്. കോവിഡ് -19 പൊട്ടിപ്പുറപ്പെടുന്നതോടെ ഒരു കൂട്ടം മദ്യപാനികളുടെ ജീവിതം കീഴ്മേല്‍ മറിഞ്ഞ ആനത്തടം എന്ന ഗ്രാമത്തിലാണ് കഥ നടക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ശ്രുതി ജയൻ, ജോണി ആന്റണി, ശരത് സഭ, ഇര്‍ഷാദ് അലി, ബിട്ടോ, ശ്രുതി ജയൻ, സീമ ജി നായര്‍, ഉണ്ണി നായര്‍, സിനോജ് അങ്കമാലി, ധര്‍മജൻ ബോള്‍ഗാട്ടി, വിജിലേഷ്, അനീഷ് ഗോപാല്‍, സുനില്‍ സുഖദ, ശിവാജി ഗുരുവായൂര്‍ എന്നിവരും കൊറോണ ധവാനിൽ അഭിനയിക്കുന്നു. ഛായാഗ്രാഹകൻ ജനീഷ് ജയാനന്ദൻ, എഡിറ്റര്‍ അജീഷ് ആനന്ദ്, സംഗീത സംവിധായകൻ റിജോ ജോസഫ് എന്നിവരാണ് ചിത്രത്തിന്റെ സാങ്കേതിക സംഘത്തിലുള്ളത്. ജെയിംസിന്റെ ബാനറില്‍ ജെയിംസും ജെറോമും ചേര്‍ന്നാണ് ഇതിന് പിന്തുണ നല്‍കുന്നത്
