രശ്മിക മന്ദാനയും ബോളിവുഡ് നടൻ രൺബീർ കപൂറും ഒന്നിക്കുന്ന ഏറ്റവും പുതിയ ചിത്രമായ ആനിമലിലെ പുതിയ ഗാനം അടുത്തിടെ പുറത്തു വിട്ടിരുന്നു. വിമാനത്തിൽ വെച്ചുള്ള ലിപ് ലോക്ക് രംഗങ്ങളും ഏറെ ചർച്ചയായിരുന്നു. എന്നാല്‍ ആ ലിപ് ലോക്ക് രംഗത്തിന് നടി രശ്മിക മന്ദാന അധികം പ്രതിഫലം വാങ്ങിച്ചുവെന്നാണ് ടോളിവുഡ് ഡോട് അടക്കമുള്ള മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഇരുപത് ലക്ഷം അധികമായി ആ രംഗത്തിന് യുവ നടി രശ്മിക മന്ദാനയ്‍ക്ക് ലഭിച്ചുവെന്നാണ് റിപ്പോര്‍ട്ട്.
ഗാനം പുറത്തു വന്നതോടു കൂടി ട്രോളുകളും നേരിട്ടു. രശ്മിക എന്തുകൊണ്ടാണ് ഗാനത്തില്‍ അന്ധയെ പോലെ പെരുമാറുന്നത് എന്നാണ് നടിയുടെ ആരാധകര്‍ സാമൂഹ്യ മാധ്യമത്തില്‍ എഴുതിയിരുന്നു. നടി ബോളിവുഡില്‍ കഷ്‍ടപ്പെടുകയാണ് എന്നും ജീവനില്ലാത്ത കണ്ണുകളാണെന്നും മുമ്പ് മിഷൻ മജ്‍നുവിലും ഇതേ എക്സ്പ്രഷനായിരുന്നു എന്നുമാണ് നിരവധി ആരാധകര്‍ കമന്റുകള്‍ എഴുതിയിരിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
‘അര്‍ജുൻ റെഡ്ഡി’ എന്ന ചിത്രത്തിന് ശേഷം സന്ദീപ് റെഡ്ഡി വംഗയുടേതായി എത്തുന്ന ചിത്രമാണ് ആനിമൽ. ടീ സീരീസിന്റെയും ഭദ്രകാളി പിക്ചേഴ്‍സിന്റെയും ബാനറിൽ
ഭൂഷൻ കുമാറും പ്രണവ് റെഡ്ഡി വംഗയും ചേര്‍ന്നാണ് ചിത്രം നിർമ്മിക്കുന്നത്.
ഛായാഗ്രാഹണം അമിത് റോയ് ആണ്. ഹര്‍ഷവര്‍ദ്ധൻ രാമേശ്വര്‍ സംഗീത സംവിധാനം നിര്‍വഹിക്കുമ്പോള്‍ ബോബി ഡിയോള്‍, ത്രിപ്‍തി ദിമ്രി, ശക്തി കപൂര്‍, സുരേഷ് ഒബ്‍റോയ്, ബാബ്‍ലൂ, സിദ്ധാന്ത് തുടങ്ങി ഒട്ടേറെ താരങ്ങളും രശ്മിക മന്ദാനയ്‍ക്കും രണ്‍ബിര്‍ കപൂറിനുമൊപ്പം ആനിമലില്‍ കഥാപാത്രങ്ങളാകുന്നു.
