ചെന്നെ: കേരളത്തിലേക്ക് തിരികെ മടങ്ങി വരുമെന്ന് ആരാധകർക്ക് ഉറപ്പു നൽകി സംവിധായകൻ ലോകേഷ് കനകരാജ്. ലിയോയുടെ കേരളത്തിലെ പ്രെമോഷനിടെ പാലക്കാട് വെച്ച് കാലിൽ ചെറിയൊരു പരിക്ക് പറ്റിയെന്നും എല്ലാവരെയും കാണാനായതിൽ സന്തോഷമുണ്ടെന്നും ലോകേഷ് സോഷ്യൽ മീഡിയയിൽ കുറിച്ചു.
ലിയോ പ്രൊമോഷന്റെ ഭാഗമായി ഇന്നാണ് സംവിധായകൻ സംസ്ഥാനത്ത് എത്തിയത്. എന്നാൽ തടിച്ചു കൂടിയ ആൾക്കൂട്ടത്തിൽപ്പെട്ട് അദ്ദേഹത്തിന് പരിക്ക് പറ്റി. പിന്നാലെ ലോകേഷ് ചെന്നൈയിലേക്ക് മടങ്ങുകയും ചെയ്തിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
“നിങ്ങളുടെ സ്നേഹത്തിന് കേരളത്തോട് നന്ദി.. നിങ്ങളെ എല്ലാവരെയും പാലക്കാട് കണ്ടതിൽ അതിയായ സന്തോഷവും നന്ദിയും അറിയിക്കുന്നു. ആൾക്കൂട്ടത്തിനിടയിൽ ഒരു ചെറിയ പരിക്ക് പറ്റി. അതുകൊണ്ട് മറ്റ് രണ്ട് വേദികളിലും പത്രസമ്മേളനത്തിലും എനിക്ക് പങ്കെടുക്കാൻ സാധിച്ചില്ല. കേരളത്തിലെ നിങ്ങൾ എല്ലാവരെയും കാണാൻ ഞാൻ തീർച്ചയായും മടങ്ങിവരും. അതുവരെ അതേ സ്നേഹത്തോടെ ലിയോ ആസ്വദിക്കുന്നത് തുടരൂ”, ലോകേഷ് കുറിച്ചു.
