ഡൽഹി : നിലവിലെ ചാമ്പ്യന്മാരായ ഇംഗ്ലണ്ടിനെ തോല്പിച്ച് ഓസ്ട്രേലിയ ലോകകപ്പ് ക്രിക്കറ്റിൽ സെമി ഫൈനലിന് അടുത്ത്; ഓസീസ് വിജയം 33 റൺസിന്. 287 റൺസ് വിജയ ലക്ഷ്യവുമായി ബാറ്റിംഗിനിറങ്ങിയ ഇംഗ്ലണ്ട് 48.1 ഓവറിൽ 253 ന് പുറത്തായി. 21 റൺസ് വഴങ്ങി മൂന്ന് വിക്കറ്റ് വീഴ്ത്തിയ സ്പിന്നർ ആദം സാംപയാണ് ഇംഗ്ലീഷ് പടയെ തുരത്തിയത്. ഓസീസ് വാലറ്റത്ത് 19 പന്തിൽ 29 റൺസുമെടുത്ത സാംപ തന്നെയാണ് കളിയിലെ താരം. ഓസ്ട്രേലിയയ്ക്കായി മാർനസ് ലബു ഷെയ്ൻ 71 ഉം, കാമറൂൺ ഗ്രീൻ 47 ഉം റൺസെടുത്തു. ക്രിസ് വോക്സ് 4 വിക്കറ്റ് വീഴ്ത്തി. മറുപടി ബാറ്റിംഗിൽ ബെൻ സ്റ്റോക്സ് 64, ഡേവിഡ് മലാൻ 50 എന്നിവർ അർധ സെഞ്ച്വറി നേടി. ജയത്തോടെ ഓസീസ് പോയിൻ്റ് പട്ടികയിൽ നാലാം സ്ഥാനത്തെത്തി.
Advertisements
