അഡ്ലെയ്ഡ് : ആഷസ് പരമ്പരയിലെ രണ്ടാം മത്സരത്തിലും ഇംഗ്ളണ്ട് തോല്‍വിയിലേക്ക്. അഡ്‌ലെയ്ഡില്‍ രണ്ടാം ഇന്നിംഗ്സില്‍ 468 റണ്‍സിന്റെ കൂറ്റന്‍ ലക്ഷ്യവുമായി ഇറങ്ങിയ ഇംഗ്ളണ്ട് നാലാം ദിവസം കളിനിറുത്തുമ്പോള്‍ 82/4 എന്ന സ്കോറിൽ തോൽവിയിലേക്ക് കൂപ്പു കുത്തുകയാണ്. ഒരു ദിവസം ശേഷിക്കേ വിജയി ആവാൻ 386 റണ്‍സാണ് ഇംഗ്ളണ്ടിന് വേണ്ടത്.
ആദ്യ ഇന്നിംഗ്സില്‍ 473/9 എന്ന സ്കോറില്‍ ഡിക്ളയര്‍ ചെയ്തിരുന്ന ആസ്ട്രേലിയയ്ക്ക് എതിരെ ഇംഗ്ളണ്ട് 236 റണ്‍സിന് ഭാൾ ഔട്ടായിരുന്നു. തുടര്‍ന്ന് രണ്ടാം ഇന്നിംഗ്സിനിറങ്ങിയ ആസ്ട്രേലിയ നാലാം ദിനം ചായയ്ക്ക് തൊട്ടുമുമ്പാണ് 230/9 എന്ന സ്കോറില്‍ ഡിക്ളയര്‍ ചെയ്തത്.51 റണ്‍സ് വീതം നേടിയ ലാബുഷേനും ട്രാവിസ് ഹെഡ്ഡുമാണ് രണ്ടാം ഇന്നിംഗ്സിലെ ആസ്ട്രേലിയയുടെ ടോപ്സ്കോറര്‍മാര്‍.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രണ്ടാം ഇന്നിംഗ്സില്‍ ഹസീബ് ഹമീദ്(0),ഡേവിഡ് മലാന്‍ (20),റോയ് ബേണ്‍സ്(34),ജോ റൂട്ട് (24) എന്നിവരെയാണ് ഇംഗ്ളണ്ടിന് നഷ്ടമായത്.
ഒരു ദിനം കൂടി ശേഷിക്കെ ഇംഗ്ലണ്ട് വിയർപ്പൊഴുക്കിയാലും വിജയം കിട്ടാക്കനിയാകും. അതിനാൽ തന്നെ മത്സരം സമനില പിടിക്കുക എന്നതാകും ഇംഗ്ലണ്ട് ലക്ഷ്യം.