മൂവി ഡെസ്ക്ക് : മമിത ബൈജു, നസ്‌ലിൻ എന്നിവരെ കേന്ദ്രകഥാപാത്രങ്ങളാക്കി ഗിരീഷ് എ ഡി സംവിധാനം ചെയ്യുന്ന പുതിയ ചിത്രം ‘പ്രേമലു’ വിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി.ഭാവനാ സ്റ്റുഡിയോസിന്റെ ബാനറില്‍ ഫഹദ് ഫാസില്‍, ദിലീഷ് പോത്തൻ, ശ്യാം പുഷ്‌കരൻ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. തണ്ണീര്‍മത്തൻ ദിനങ്ങള്‍, സൂപ്പര്‍ ശരണ്യ എന്നീ ഹിറ്റ് ചിത്രങ്ങള്‍ക്ക് ശേഷം ഗിരീഷ് എ ഡി ഒരുക്കുന്ന ചിത്രമാണ് പ്രേമലു.
2024 ഫെബ്രുവരിയിലാണ് ചിത്രം പ്രദര്‍ശനത്തിനെത്തുന്നത്. ഹൈദരാബാദ് പശ്ചാത്തലത്തില്‍ എത്തുന്ന റൊമാന്റിക് കോമഡി എന്റര്‍ടൈയ്‌നറാണ് ചിത്രം. അല്‍ത്താഫ് സലീം, മീനാക്ഷി രവീന്ദ്രൻ, അഖില ഭാര്‍ഗവൻ, ശ്യാം മോഹൻ തുടങ്ങിയവരും സിനിമയില്‍ പ്രധാന വേഷത്തില്‍ എത്തും. വിഷ്ണു വിജയാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്.
Advertisements
