മൂവി ഡെസ്ക്ക് : കെജിഎഫ് ഫ്രാഞ്ചൈസിയിലൂടെ പാൻ ഇന്ത്യൻ സൂപ്പര്‍താരമായി വളര്‍ന്ന നടനാണ് യാഷ്. 2022 ല്‍ റിലീസ് ചെയ്ത കെ.ജി.എഫ് രണ്ടാം ഭാഗത്തിന് ശേഷം യാഷിന്റേതായി പുതിയ ചിത്രങ്ങളൊന്നും പ്രഖ്യാപിച്ചിരുന്നില്ല.എന്നാല്‍ ആരാധകരെ ആവേശത്തിലാഴ്ത്തി യാഷിന്റെ പുതിയ ചിത്രത്തിന്റെ വിവരങ്ങള്‍ ഔദ്യോഗികമായി പുറത്തുവിട്ടിരിക്കുകയാണ്.
ഗീതു മോഹൻദാസാണ് ചിത്രം സംവിധാനം ചെയ്യുന്നത്. ടോക്സിക് – എ ഫെയറി ടെയില്‍ ഫോര്‍ ഗ്രോണ്‍-അപ്സ് എന്നാണ് ചിത്രത്തിന്റെ പേര്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
”ഞാൻ എപ്പോഴും എന്റെ ആഖ്യാന ശൈലിയില്‍ പരീക്ഷണം നടത്തിയിട്ടുണ്ട്. ലയേഴ്സ് ഡൈസിനും മൂത്തോനും അന്താരാഷ്ട്ര തലത്തില്‍ നല്ല സ്വീകാര്യത ലഭിച്ചെങ്കിലും, എന്റെ രാജ്യത്ത് എന്റെ സ്വന്തം പ്രേക്ഷകരെ കണ്ടെത്താൻ ഞാൻ എപ്പോഴും കൊതിച്ചിരുന്നു. ആ ചിന്തയില്‍ നിന്നാണ് ഈ പദ്ധതി ഉടലെടുത്തത്. ഈ സിനിമ രണ്ട് വിപരീത ലോകങ്ങളുടെ സംയോജനമാണ്, കഥ പറയുന്നതിലെ സൗന്ദര്യശാസ്ത്രം കൂടിച്ചേര്‍ന്ന് ഞാൻ യാഷിനെ കണ്ടെത്തി. ഞാൻ മനസ്സില്‍ കണ്ട ഏറ്റവും മിടുക്കനായ ഒരാള്‍ ആണ് യാഷ്, ഞങ്ങളുടെ ടീം ഈ മാന്ത്രിക യാത്ര ആരംഭിക്കുന്നതില്‍ ആവേശത്തിലാണ് ഞാൻ- ഗീതു മോഹൻദാസ് പറഞ്ഞു.
ഇതുവരെയുള്ള ഞങ്ങളുടെ ഏറ്റവും വലിയ പ്രോജക്റ്റിനായി റോക്കിംഗ് സ്റ്റാര്‍ യാഷുമായി സഹകരിക്കുന്നതില്‍ ഞങ്ങള്‍ക്ക് സന്തോഷമുണ്ട്. യഷും ഗീതുവും ശക്തമായ ആഖ്യാനത്തിലൂടെയും ബൃഹത്തായ ആക്ഷനിലൂടെയും ചലനാത്മകമായ ഒന്നില്‍ യാതൊരു മാറ്റവും വരുത്താത്തതിനാല്‍ ഇതിന് സമയമെടുത്തു. ഞങ്ങള്‍ നിര്‍മ്മിക്കുന്ന ഈ മികവുറ്റതും ഗംഭീരവുമായ ഈ സിനിമയ്ക്ക് ലോകം സാക്ഷ്യം വഹിക്കാൻ പോകുന്നു- നിര്‍മാതാവ് ശ്രീ. വെങ്കട്ട് കെ നാരായണ പറഞ്ഞു.കെവിഎൻ പ്രൊഡക്ഷൻസും മോണ്‍സ്റ്റര്‍ മൈൻഡ് ക്രിയേഷൻസും ചേര്‍ന്നാണ് ചിത്രം നിര്‍മിക്കുന്നത്. ചിത്രം 2025 ഏപ്രില്‍ 10 ന് ലോകമെമ്ബാടും റിലീസ് ചെയ്യും.പി ആര്‍ ഓ പ്രതീഷ് ശേഖര്‍.
