കൊച്ചി : ഐ എസ് എല്ലിൽ വിജയ വഴിയിൽ വീണ്ടും ബ്ലാസ്റ്റേഴ്സ്, പഞ്ചാബ് എഫ് സിക്കെതിരെ വിജയം. ഏകപക്ഷീയമായ ഒരു ഗോളിനാണ് ബ്ലാസ്റ്റേഴ്സ് ജയം. കളിയുടെ അമ്പത്തി ഒന്നാം മിനിറ്റിൽ ലഭിച്ച പെനാൽറ്റിയിലൂടെ ദിമിത്രി ഡയമെൻ്റക്കോസാണ് വിജയ ഗോൾ നേടിയത്. ആദ്യ പകുതിയിൽ മികവ് കാട്ടാനായില്ലെങ്കിലും ഇടവേള കഴിഞ്ഞെത്തിയ ബ്ലാസ്റ്റേഴ്സ് പഞ്ചാബ് ഗോൾ മുഖം വിറപ്പിച്ചു. ഒന്നിലേറെ തവണ ഗോൾ പോസ്റ്റും വിലങ്ങ് തടിയായി.കളിയുടെ അവസാന മിനിറ്റുകളിൽ പഞ്ചാബ് കേരളത്തെ വിറപ്പിച്ചെങ്കിലും ഗോൾ മാത്രം നേടാനായില്ല. വിജയത്തോടെ 20 പോയിൻ്റുമായി എഫ് സി ഗോവയ്ക്കൊപ്പം എത്തിയെങ്കിലും ഗോൾ ശരാശരിയിൽ ബ്ലാസ്റ്റേഴ്സ് പോയിൻ്റ് പട്ടികയിൽ രണ്ടാമതാണ്.
Advertisements
