ഏറെ നാളായി സിനിമാസ്വാദകര്‍ കാത്തിരിക്കുന്നൊരു സിനിമയാണ് മലൈക്കോട്ടൈ വാലിബൻ. മോഹൻലാലിനെ നായകനാക്കി ചിത്രം സംവിധാനം ചെയ്യുന്നത് ലിജോ ജോസ് പെല്ലിശ്ശേരിയാണ്. ഒരെത്തും പിടിയും തരാത്ത രീതിയിലുള്ള പ്രമോഷൻ മെറ്റീരിയലുകളും പ്രേക്ഷകരെ ആവേശത്തിരയില്‍ ആഴ്ത്തിയിട്ടുണ്ട്. ഈ അവസരത്തില്‍ മലൈക്കോട്ടൈ വാലിബന്റെ വൻ അപ്ഡേറ്റ് വരുന്നുവെന്ന വിവരമാണ് ഇപ്പോൾ പുറത്തുവരുന്നത്. മലൈക്കോട്ടൈ വാലിബന്റെ ഓഡിയോ ലോഞ്ച് നടക്കുമെന്നതാണ് ആ വിവരം. കൊച്ചിയില്‍ വച്ചാകും ഇത് നടക്കുകയെന്നാണ് സോഷ്യല്‍ മീഡിയ പറയുന്നത്.
ഇതില്‍ മോഹൻലാല്‍ അടക്കമുള്ള എല്ലാ അഭിനേതാക്കളും ഓഡിയോ ലോഞ്ചില്‍ പങ്കെടുക്കാൻ എത്തും. ചിലപ്പോള്‍ ട്രെയിലര്‍ റിലീസ് ചെയ്യുമെന്നും ചര്‍ച്ചകളുണ്ട്. ഇതുസംബന്ധിച്ച്‌ ഔദ്യോഗിക വിവരങ്ങള്‍ ഒന്നും തന്നെ വന്നിട്ടില്ല. ജനുവരി 25നാണ് മലൈക്കോട്ടൈ വാലിബൻ തിയറ്ററുകളില്‍ എത്തുക. വൻ ഹൈപ്പുള്ള ചിത്രം ആയത് കൊണ്ടുതന്നെ ആദ്യദിനം മുതല്‍ മികച്ച കളക്ഷനും വാലിബന് അണിയറപ്രവര്‍ത്തകര്‍ പ്രതീക്ഷിക്കുന്നുണ്ട്. കൂടാതെ മറ്റ് റിലീസുകളും ഇല്ല. ഫാൻ തിയറികളെ മാറ്റി മറിക്കുന്ന കഥ പറച്ചിലാകും മലൈക്കോട്ടൈ വാലിബനിലൂടെ എത്തുന്നതെന്നാണ് വിവരം. ഇക്കാര്യം ഒരിക്കല്‍ മോഹൻലാല്‍ സ്ഥിരീകരിക്കുകയും ചെയ്തിരുന്നു. എന്തായാലും എട്ട് ദിവസത്തെ കൂടി കാത്തിരിപ്പിന് ഒടുവില്‍ മോഹൻലാല്‍ ചിത്രം സിനിമാസ്വാദകര്‍ക്ക് മുന്നില്‍ എത്തും.
