കോഴിക്കോട് : സ്‌കൂള്‍ വിദ്യാർത്ഥികള്‍ തമ്മില്‍ നടന്ന ഏറ്റുമുട്ടലില്‍ അഞ്ച് പ്ലസ്‌വണ്‍ വിദ്യാർത്ഥികള്‍ക്ക് പരിക്ക്.കോഴിക്കോട് ചാത്തമംഗലത്താണ് സംഭവം. വെള്ളിയാഴ്ചയാണ് വിദ്യാർത്ഥികള്‍ തമ്മില്‍ ഏറ്റുമുട്ടല്‍ ഉണ്ടായത്. പ്ലസ്‌ടു വിദ്യാർത്ഥികള്‍ പ്ലസ്‌വണ്‍ വിദ്യാർത്ഥികളെ മർദിച്ചെന്നാണ് റിപ്പോർട്ട്. ഇൻസ്റ്റാഗ്രാം പോസ്റ്റിനെച്ചൊല്ലിയുള്ള തർക്കമാണ് അടിപിടിയില്‍ അവസാനിച്ചത്. ഇതില്‍ തലയ്ക്കും മുഖത്തും സാരമായി പരിക്കേറ്റ ചാത്തമംഗലം സ്വദേശി അധർവിന്റെ കുടുംബം പൊലീസില്‍ പരാതി നല്‍കിയിട്ടുണ്ട്. അധർവ് ഇപ്പോള്‍ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. പ്ലസ്‌ടു വിദ്യാർത്ഥികള്‍ സംഘം ചേർന്ന് മർദിക്കുകയായിരുന്നുവെന്നാണ് വിദ്യാർത്ഥികളുടെ മൊഴി.
Advertisements
