ലണ്ടൻ : ഇംഗ്ലീഷ് പ്രീമിയർ ലീഗില്‍ ആറാം സ്ഥാനക്കാരായ വെസ്റ്റ് ഹാമിനെതിരെ സമനില പിടിച്ച്‌ ഷെഫീല്‍ഡ് യുണൈറ്റഡ്. ഇന്ന് നടന്ന ആവേശകരമായ മത്സരം 2-2 എന്ന സമനിലയിലാണ് അവസാനിച്ചത്. നാലു ഗോളുകള്‍ക്കൊപ്പം രണ്ട് ചുവപ്പു കാർഡ് കൂടി കണ്ട മത്സരമായിരുന്നു ഇന്ന് ഷെഫീല്‍ഡിന്റെ ഹോം ഗ്രൗണ്ടില്‍ അരങ്ങേറിയത്. ഇന്ന് മത്സരത്തിന്റെ 28ആം മിനിറ്റില്‍ കോർണറ്റിലൂടെ വെസ്റ്റ് ഹാം ലീഡ് എടുത്തു. ആദ്യപകുതിയുടെ അവസാനം ബരറ്റൻ ഡിയസ് ഷെഫീല്‍ഡ് യുണൈറ്റഡിന് സമനില നല്‍കി. ആദ്യപകുതി 1-1 എന്ന രീതിയില്‍ അവസാനിച്ചു. രണ്ടാം പകുതിയില്‍ 78ആം മിനുട്ടില്‍ കിട്ടിയ പെനാല്‍റ്റി ലക്ഷ്യത്തിലെത്തിച്ചുകൊണ്ട് വാർഡ് പ്രോസ് വെസ്റ്റ് ഹാമിനെ വീണ്ടും മുന്നിലെത്തിച്ചു പക്ഷേ 90 മിനിറ്റല്‍ ഷെഫീല്‍ഡ് ബ്രൂസ്റ്ററും വെസ്റ്റ് ഹാം താരം സൗഫാലും ചുവപ്പു കണ്ട് പുറത്ത് പോയതോടെ ഇരുടീമുകളും 10 പേരായി ചുരുങ്ങി. കിട്ടിയ പെനാല്‍ട്ടി ഒലി മക്ബണി ഫിനിഷ് ചെയ്ത് ഷെഫീലിഡിന് സമനിലയും നല്‍കി. വെസ്റ്റ് ഹാം 35 പോയിന്റുമായി ആറാം സ്ഥാനത്തും ഷെഫീല്‍ഡ് 10 പോയിന്റുമായി അവസാന സ്ഥാനത്തുമാണ്.
