അണ്ടർ 19 ലോകകപ്പ് ; നേപ്പാളിനെതിരെ ഇന്ത്യയ്ക്ക് മികച്ച സ്കോർ ; ഉദയ്ക്കും സച്ചിനും സെഞ്ചുറി 

സ്പോർട്സ് ഡെസ്ക്ക് : അണ്ടർ 19 ലോകകപ്പില്‍ ഇന്ന് നേപ്പാളിനെ നേരിടുന്ന ഇന്ത്യ ആദ്യ ഇന്നിങ്സില്‍ 297-5 എന്ന മികച്ച സ്കോർ നേടി. ബാറ്റിങ് അത്ര എളുപ്പമല്ലാത്ത പിച്ചില്‍ ഇന്ത്യക്ക് ആയി രണ്ട് താരങ്ങള്‍ സെഞ്ച്വറി നേടി.ക്യാപ്റ്റൻ ഉദയ് ശരണും സച്ചിൻ ദാസുമാണ് ഇന്ത്യക്ക് ആയി ഇന്ന് സെഞ്ച്വറി നേടിയത്. ഉദയ് 107 പന്തില്‍ നിന്ന് 100 റണ്‍സ് നേടി. 9 ബൗണ്ടറികള്‍ അടങ്ങുന്നതായിരുന്നു ഇന്നിംഗ്സ്. സച്ചിൻ ദാസ് 101 പന്തില്‍ നിന്ന് 116 റണ്‍സ് എടുത്തു‌. 3 സിക്സും 11 ഫോറും സച്ചിൻ അടിച്ചു. കഴിഞ്ഞ മത്സരങ്ങളിലെ ഹീറോ മുഷീർ ഖാൻ ഇന്ന് 9 റണ്‍സുമായി പുറത്താകാതെ നിന്നു. നേപ്പാളിനായി ഗുല്‍സൻ ജാ 3 വിക്കറ്റുകള്‍ വീഴ്ത്തി.