തൃക്കൊടിത്താനം : മഹാക്ഷേത്രത്തിലെ ദേവീനടയില്‍ പൊങ്കാല 15ന് നടക്കും.രാവിലെ ഒൻപതിന് ക്ഷേത്രം തന്ത്രി പറമ്പൂരില്ലത്ത് രാഗേഷ് നാരായണന്‍ ഭട്ടതിരിപ്പാട് പൊങ്കാല അടുപ്പില്‍ അഗ്‌നി പകരും.മേല്‍ശാന്തി ഈശ്വര ശര്‍മ, കീഴ്ശാന്തി ശ്രീജിത്ത്‌ നമ്പൂതിരി എന്നിവര്‍ സഹകാര്‍മികത്വം വഹിക്കും.
സുബ്രഹ്മണ്യന്‍ നടയിലെ കാവടിവിളക്ക് ഘോഷയാത്ര 15ന് വൈകുന്നേരം 6.30ന് കോട്ടമുറി കാണിക്ക മണ്ഡപത്തില്‍നിന്ന് ആരംഭിക്കും, കരകം, കാവടി, കൊട്ടക്കാവടി, മയില്‍പീലിക്കാവടി, വാദ്യ മേളങ്ങള്‍, ഗജ വീരന്‍ എന്നിവയുടെ അകമ്ബടിയോടുകൂടി രാത്രി 9.30ന് ക്ഷേത്രത്തില്‍ എത്തിച്ചേരും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
16ന് രാവിലെ ഒൻപതിന് ഇരൂപ്പാ രക്തേശ്വരി ക്ഷേത്രത്തില്‍നിന്നു കാവടിയാട്ടം ആരംഭിക്കും. ഉച്ചക്ക് 11.30ന് കാവടി അഭിഷേകം, വൈകുന്നേരം 6.30ന് താലപ്പൊലി, ആരമല ശിവക്ഷേത്രത്തില്‍നിന്ന് ആരംഭിക്കും. രാത്രി 8.30ന് വിശേഷാല്‍ ദീപാരാധന, ആകാശ വിസ്മയം എന്നിവ നടക്കും.
