സ്പോർട്സ് ഡെസ്ക്ക് : രാജ്‌കോട്ടില്‍ വ്യാഴാഴ്ച നടക്കുന്ന മൂന്നാം ടെസ്റ്റിന് ഇന്ത്യ ഒരുങ്ങുന്നതിനു മുന്നോടിയായി സംസാരിച്ച ജഡേജ ഇംഗ്ലണ്ടിന്റെ ബാസ്‌ബോള്‍ ശൈലിയെ തോല്‍പ്പിക്കുക അത്ര വിഷമമുള്ള കാര്യമല്ല എന്ന് പറഞ്ഞു. തോല്‍പ്പിക്കാൻ ഏറ്റവും ബുദ്ധിമുട്ടുള്ള ടീമല്ല ഇംഗ്ലണ്ട് എന്നും ഇന്ത്യൻ ഓള്‍ റൗണ്ടർ പറഞ്ഞു.
“ഇംഗ്ലണ്ടിനെ ഏറ്റവും ബുദ്ധിമുട്ടുള്ള ടീമായി ഞാൻ വിശേഷിപ്പിക്കില്ല. മറ്റ് ടീമുകള്‍ക്ക് ഇന്ത്യയില്‍ വന്ന് ജയിക്കുക എന്നത് അത്ര എളുപ്പമായിരുന്നില്ല. ആക്രമണോത്സുകമായ കളി ശൈലിയാണ് അവർക്കുള്ളത്. നമ്മള്‍ അത് ശീലമാക്കുകയും അതിനനുസരിച്ച്‌ ആസൂത്രണം ചെയ്യുകയും വേണം,” രാജ്‌കോട്ട് ടെസ്റ്റിൻ്റെ തലേന്ന് ജഡേജ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
“ആദ്യ ടെസ്റ്റിൻ്റെ രണ്ടാം ഇന്നിംഗ്‌സില്‍ ചെറിയ പിഴവുകളില്ലായിരുന്നുവെങ്കില്‍ ഞങ്ങള്‍ തോല്‍ക്കില്ലായിരുന്നു.” അദ്ദേഹം കൂട്ടിച്ചേർത്തു.
നാളെ നടക്കുന്ന ടെസ്റ്റില്‍ പിച്ച്‌ എങ്ങനെ പ്രതികരിക്കും എന്ന് പറയാൻ ആകില്ല എന്നും ജഡേജ പറഞ്ഞു.”ഇവിടെ വിക്കറ്റ് പരന്നതും കഠിനവുമാണ്, ചിലപ്പോള്‍ നിങ്ങള്‍ക്ക് മൂന്ന് ദിവസം കൊണ്ട് 37 വിക്കറ്റുകള്‍ ലഭിക്കും, എന്നാല്‍ ഈ വിക്കറ്റ് മികച്ചതായി തോന്നുന്നു.”
“ഇവിടെ ഓരോ കളിയിലും വിക്കറ്റ് വ്യത്യസ്തമായാണ് പെരുമാറുന്നത്. ചിലപ്പോള്‍ ഫ്ലാറ്റ് ആയിരിക്കും, ചിലപ്പോള്‍ ടേണ്‍ ഉണ്ടാാകും, ചിലപ്പോള്‍ രണ്ടു ദിവസം നന്നായി കളിച്ചു പിന്നെ ടേണ്‍ ചെയ്യും.”അദ്ദേഹം കൂട്ടിച്ചേർത്തു.
