ഹാമില്‍ട്ടണ്‍ : ദക്ഷിണാഫ്രിക്കയ്ക്കെതിരേ ചരിത്രത്തിലെ ആദ്യ ടെസ്റ്റ് പരമ്പര നേട്ടവുമായി ന്യൂസിലൻഡ്. രണ്ടാം ടെസ്റ്റില്‍ ഏഴ് വിക്കറ്റ് ജയം നേടിയതോടെയാണ് കിവീസിന്‍റെ 92 വർഷത്തെ കാത്തിരിപ്പിന് വിരാമമായത്.267 റണ്‍സ് വിജയ ലക്ഷ്യവുമായിറങ്ങിയ കീവീസ് 94.2 ഓവറില്‍ മൂന്ന് വിക്കറ്റ് നഷ്ടത്തില്‍ ലക്ഷ്യം കണ്ടു. വില്ല്യംസണ്‍ന്‍റെ (133) സെഞ്ചുറിയാണ് അനായാസ ജയമൊരുക്കിയത്. രണ്ട് ടെസ്റ്റും ജയിച്ച കീവീസ് പരമ്പര 2-0നു സ്വന്തമാക്കി.
Advertisements
1931നു ശേഷം കളിച്ച 17 മത്സരങ്ങളില്‍ 13 എണ്ണത്തില്‍ തോല്‍വി, നാലെണ്ണം സമനില എന്ന ചരിത്രമാണ് കീവികള്‍ തിരുത്തിക്കുറിച്ചത്. സ്കോർ: ദക്ഷിണാഫ്രിക്ക: 242, 235. ന്യൂസിലൻഡ്: 211, 269/3.
