ഭരതൻ സ്മാരക സർഗ്ഗ പ്രതിഭാ പുരസ്കാരം അനസ്ബിക്ക് 

തൃശൂർ :- വേൾഡ് ഡ്രാമറ്റിക് സ്റ്റഡി സെന്റെറിന്റെ 14 മത് ഭരതൻ സ്മാരക സർഗ്ഗ പ്രതിഭാ പുരസ്കാരം അനസ്ബിക്ക് .

ചലചിത്ര പ്രവർത്തകനെന്നതിന് ഉപരിയായി,എട്ട് വർഷമായി കലാ സാഹിത്യ സാമൂഹ്യ രംഗങ്ങളിൽ സജീവമായി ഇടപെട്ടു കൊണ്ടിരിക്കുന്ന സാക്ഷി എന്ന സംഘടനയുടെ ഫൗണ്ടറും കൂടിയാണ് കോട്ടയം കാഞ്ഞിരപ്പള്ളി സ്വദേശിയായ ഇദ്ദേഹം.

കേരളാ സഹിത്യ അക്കാദമിയിൽ നടന്ന ലോക സാഹിത്യോത്സവത്തിന് മുന്നോടിയായി അക്കാദമിക്കൊരു പൂമരം കാമ്പയിനിലൂടെ സാഹിത്യ അക്കാദമിയുടെ കവാടത്തിൽ ഒരു പൂന്തോട്ടം ഒരുക്കിയതും, കൊച്ചി കോർപ്പറേഷന്റെ കീഴിൽ ആശ്രയ പദ്ധതിയിൽ പെട്ടവർക്ക് ഓണക്കോടി നൽകി സ്റ്റാർ ഹോട്ടലിൽ ഓണ സദ്യയൊരുക്കി സ്വീകരിച്ചതും,

കലാ സാഹിത്യ മേഖലയിലെ പ്രമുഖരുടെ സന്ദേശങ്ങൾ സമൂഹത്തിലേക്കെത്തിച്ച നിരവധി പഠന ക്യാമ്പുകളുടെ സംഘാടകൻ കൂടിയായ ഇദ്ദേഹത്തിന്റെ പ്രവർത്തന മികവാണ്. പിന്നോക്കം നിൽക്കുന്ന സർഗ്ഗ പ്രതിഭകളെ  മുഖ്യധാരയിലേക്കെത്തിച്ച് അവരെ ആദരിക്കുകയും ചെയ്യുന്ന വിവിധ പദ്ധതികൾ സാക്ഷിയുടെ നേതൃത്വത്തിൽ നടക്കുന്നു.